Ni lo. In tin kala thu hrilhnaah hian kan inhmang reng a; mahse, he hna kan thawh avâng hian chhandam ni tûrah kan inngai lo. (Ephesi 2:8) Engvângin nge?

 He tehkhin thu hi han ngaihtuah teh: Pa pakhat thilphal takin a hmun ruat leh a ni ruata kal khâwm zawng zawngte hnênah thilpêk man to tak pêk a tiam a. Chu pa thutiam chu i ring tak zet a nih chuan, a kaihhruainate chu i zâwm dâwn lâwm ni? Zâwm ngei ang! Chu bâkah, an hlâwkpui ve theih nân chu hun remchâng chu i ṭhiante leh chhûngte i hrilh ve ngei bawk ang. Chu pa kaihhruainate i zawm avâng chuan thilpêk chu i hlawh chhuak ta tihna a ni lo. Chu chu thilpêk a la ni reng a ni.

 Chutiang bawkin, Jehova Thuhretute chuan a thu awihtu zawng zawngte tân Pathianin chatuana nunna a tiam tih an ring a. (Rom 6:23) Pathian thutiamte an hlâwkpui ve beiseiin kan rinna chu theih tâwp chhuahin mi dangte hnênah kan hrilh a ni. Mahse, rawngbâwlnaa kan tel avânga kan chhandamna hlawh chhuak tûrah kan inngai lo. (Rom 1:17; 3:28) Dik takin, chu Pathian malsâwmna ropui tak dawng tûr chuan tumahin an thawk chhuak thei ngai lo vang. “Keinin thil kan tih ṭhat vâng ni lovin, a khawngaihna avângin min chhandam ta a.”—Tita 3:5, C.L. Re-edited.