Mi Chuan Jehova Thuhretute Kohhran A Chhuahsan Thei Em?
Thei e. Mi chuan kan inawpna pâwl kawng hnihin a chhuahsan thei:
Dîlna siamin. Mi chuan Jehova Thuhretu anga hriat nih a duh tawh loh thu ṭawngkamin emaw, ziakin emaw a târ lang thei a ni.
Thiltihin. Mi chuan Jehova Thuhretu nih a duh tawh lo tih târ langtu thil engemaw a ti thei a. (1 Petera 5:9) Entîr nân, sakhaw dang a zawm thei a, chu sakhuaa awm a duh thu a hriattîr thei a ni.—1 Johana 2:19.
Mi chuan thu hril tawh lovin, in inkhâwmahte tel tawh lo ta se, engtin nge ni ang? Ani chu kohhran chhuahsantu angin in thlîr em?
Thlîr lo. Kohhran chhuahsan, a nih loh leh mahni inlâk hranna chu rinnaa chak loh nên a inang lo va. Hun engemaw chen Pathian biaknaa chau, a nih loh leh tel tawh lote chuan an rinna an bânsan lo va, lunghnualna an neih zâwk vâng a ni fo ṭhîn. Chûng mite chu hawisan a hnêkin, fuihna leh ṭanpuina pêk kan tum zâwk a. (1 Thessalonika 5:14; Juda 22) Ani chuan ṭanpuina dawn a duh a nih chuan kohhran upate chuan hma hruaiin thlarau lamah ṭanpuina pêk a ni ṭhîn.—Galatia 6:1; 1 Petera 5:1-3.
Mahse, upate chuan mi chu Jehova Thuhretu ni reng tûra nawrlui tûrin thuneihna an nei lo. Mi tinte chuan sakhaw vawn chungchângah mahniin thu tlûkna an siam ang. (Josua 24:15) Pathian betute chuan thinlung tak leh mahni duh thuin an be tûr a ni tih kan ring tlat a ni.—Sâm 110:3; Matthaia 22:37.
You May Also Like
ZAWH FO ṬHIN ZAWHNATE
Jehova Thuhretute’n An Kohhran Mi Lo Ni Tawh Ṭhîn Chu An Kawm Serh Em?
Hnawhchhuah a ngaih châng a awm a, chu chuan mi chu kohhrana kîr leh tûrin a ṭanpui thei a ni.
BIBLE ZAWHNATE CHHANNA
Sakhaw Pâwl Pakhata Tel A Ngai Kher Em?
Mi chuan amah maiin Pathian a be thei em?
ZAWH FO ṬHIN ZAWHNATE
Jehova Thuhretute’n Bible Min Zirpui A Nih Chuan Thuhretu Ni Ve Tûra Beisei Ka Ni Ang Em?
Jehova Thuhretute chuan khawvêl puma mi maktaduai tam takte chu a thlâwnin Bible an zirpui a. Mahse, kan rualin i zir a nih chuan Jehova Thuhretu i rawn nih a ngai em?
