Ni e. A hnuaia thute hi Kristian kan nih chhante a ni:

•   Isua Krista zirtîrnate leh a nun dân chu theih tâwp chhuaha zui kan tum tlat.—1 Petera 2:21.

•   “Vân hnuaia mihring sak zîngan, min chhandam tûr hming dang rêng a awm lo” tih a nih avângin, Isua chu chhandamna kawng pawimawh tak a ni tih kan ring.—Tirhkohte 4:12.

•   Mite chu Isua hminga baptisma changin Jehova Thuhretute an rawn ṭhîn.—Matthaia 28:18, 19.

•   Isua hmingin ṭawngṭaina kan hlân ṭhîn.—Johana 15:16.

•   Isua chu Lû, a nih loh leh mipa zawng zawng chunga thuneitua ruat a ni tih kan ring.—1 Korinth 11:3.

 Mahse, Kristian tia koh pâwl dangte lakah kawng tam takin kan danglam a ni. Entîr nân, Isua chu Trinity pêng ni lovin, Pathian Fapa a ni tih Bible zirtîrna chu kan ring a. (Marka 12:29) Thlarau thi thei lo a awm tih kan ring lo va, Pathianin hremhmunah chatuanin mite a nghaisa ṭhîn tih kan ring lo bawk a, sakhaw lam thiltiha hruaitute’n mi dangte aia chungnung zâwka siamtu nihna an nei tûr a ni tih kan pawm lo bawk.—Thuhriltu 9:5; Ezekiela 18:4; Matthaia 23:8-10.