Jehova Thuhretute’n Film, Lehkhabu, A Nih Loh Leh Hla Khap An Nei Em?
Nei lo. Kan inawpna pâwl hian mi mal tinte hnênah an pumpelh tûr film, lehkhabu, a nih loh leh hla te chungchângah dân zam a nei lo. Engvângin nge?
Bible chuan mi mal tinte chu thil dik leh dik lo chungchânga “an hriat theihnate” sawizawi tûrin a fuih a ni.—Hebrai 5:14.
Kristianin intihhlimna a thlan tûr ngun taka a ngaihtuah theih nân Bible chuan thu bul ṭhenkhat a pe a. a Kan nun kawng tinrêngah kan tum ber chu “Lalpa lâwm zâwng eng nge ni tih” fiah zawm zêl hi a ni.—Ephesi 5:8-10.
Chhûngkaw lûte chuan an chhûngkuaa mite hnêna intihhlimna ṭhenkhat thlang lo tûra hrilh tûrin thuneihna engemaw chen an nei tih Bible-in a zirtîr a. (1 Korinthian 11:3; Ephesi 6:1-4) Amaherawh chu, chhûngkuaa mi ni lote hnênah erawh chuan film te, lehkhabu te, a nih loh leh hla te chu Thuhretute tân pawm theih a ni lo tia hrilh tûrin thuneihna a nei lo.—Galatia 6:5.
a Entîr nân, Bible chuan dawithiamna te, nungchang bawlhhlawhna te, leh tharum thawhna te chawilârtu thil eng pawh a dem a ni.—Deuteronomy 18:10-13; Ephesi 5:3; Kolossa 3:8.