Pe lo, Jehova Thuhretute chuan sâwma pakhat an pe lo; kan rawngbâwlna hi thawhlâwm hmanga chhawmdâwl a ni. Sâwma pakhat chu eng nge ni a, engvângin nge Jehova Thuhretute’n an pêk loh?

 Sâwma pakhat, a nih loh leh miin a neih zînga hmun sâwma ṭhena hmun khat pe tûra thupêk hi hmân lai Israel hnam hnêna pêk Dân zînga mi a ni a. Mahse, Bible chuan “sâwma pakhat lâk tûr thu” pawh tiamin, he Dân hi Kristiante’n an zawm a ngai tawh lo tih chiang takin a târ lang a ni.—Hebrai 7:5, 18; Kolossa 2:13, 14.

 Jehova Thuhretute chuan sâwma pakhat pek aiin, Kristian hmasate tih dân an entawn a, hlawh nei lova thu hrilh leh zirtîrnaa telna hmangin, leh phal taka thawhlâwmte pein an rawngbâwlna chu kawng hnihin an ṭanpui a ni.

 Chuvângin, Kristiante hnêna Bible kaihhruaina pêk: “Mi tinin ui chunga pe lovin, pêk loh theih loh anga ngaia pe hek lovin, an thinlunga an tum ang zêlin pe ṭheuh rawh se; Pathian chuan hlim taka petu a ni a hmangaih ni,” tih hi kan zâwm a ni.—2 Korinth 9:7.