Bible hi kan thurinte chunga thuneituah kan hmang reng a, chuvângin Bible kan hriatthiamna a lo fiah lehzual hian kan thurinte chu kan siamrem a ni. a

 Chûng inthlâk danglamnate chu Thufingte 4:18-a târ lan Bible thu bul: “Mi felte kawng erawh chu chhûn ên lai tak pawha êng zual deuh deuh, êng fîm tak ang a ni,” tih nên hian a inmil a ni. Ni chhuakin zawi zawia ram hmêlhmang a tilang fiah ang hian, Pathian chuan a hun takah zawi zawiin Pathian thutak hriatthiamna min pe a ni. (1 Petera 1:10-12) Bible-in a sawi lâwk angin, he thil hi “tâwpna hun” chhûngin chak takin a thlentîr a ni.—Daniela 12:4.

 Hêng kan hriatthiamna siamremnate hian mak tihna leh buaina min thlen tûr a ni lo. Hmân laia Pathian betute pawhin ngaih dân leh beiseina chungchângah tih sual an nei a, an thlîr dân an thlâk danglam a ngai a ni.

•   Mosia chu Pathian hun ruat aia kum 40-a hmain Israel hnam chhanhimtu ni tûrin a inpe.—Tirhkohte 7:23-25, 30, 35.

•   Tirhkohte chuan Messia thihna leh thawhlehna chungchânga hrilh lâwkna chu an hre thiam lo.—Isaia 53:8-12; Matthaia 16:21-23.

•   Kum zabi khatnaa Kristian ṭhenkhatte pawhin “Lalpa Nî” chungchângah ngaih dân dik lote an nei a ni.—2 Thessalonika 2:1, 2.

 A hnuah Pathianin an hriatthiamna dik lote chu a siam remsak a, kan tân pawh chutianga a tih zawm zêl theih nân kan dîl a ni.—Jakoba 1:5.