Mi tam tak chuan kross hi Kristiante chhinchhiahna ber niin an ngai a. Keini Jehova Thuretute hi Kristian ni mah ila, kan biaknaah kross kan hmang ve lo. Engvângin nge?

 A chhan pakhat chu, Bible-in Isua chu kross-ah ni lovin, ban ngîl pângngaia a thih thu a sawi vâng a ni. Chu bâkah, Bible-in Kristiante chu: “Milem biak hi tlânsan rawh u,” tiin vaukhânna khauh tak a pe a, chutah chuan Pathian biaknaa kross hman loh pawh a tel a ni.—1 Korinth 10:14; 1 Johana 5:21.

 Chhinchhiah tlâk takin, Isua chuan: “In inhmangaih chuan mi zawng zawngin ka zirtîrte in ni tih chu miah chuan an hria ang,” tiin a sawi a. (Johana 13:34, 35) Chutiang chuan, Isua’n—kross, a nih loh leh milemte ni lovin—mahni inphat hmangaihna chu a zirtîrte chhinchhiahna a ni ang tih a târ lang a ni.