Ni lo, chutianga i nih kher a ngai lo. Mi maktaduai tam takte chuan Jehova Thuhretute ni chuang si lovin, Bible zirna kan neihpui chu nuam an ti a. a Bible zirnain a tum ber chu Bible zirtîrnate hriattîr che a ni. Chu i hriatna mila thilti tûra thu tlûkna siam chu nangmaha innghat a ni a. Rinna chu mi mal duh thlanna a ni tih kan hria a ni.—Josua 24:15.

 Thei e. Bible zirna neih chhungin i Bible ngei i hmang thei a ni, keini chuan tûn lai ṭawngkama lehlin New World Translation of the Holy Scriptures chu hman nuam kan ti a, i duh a nih chuan a thlâwnin bu khat kan pe ang che. Bible thuchah beiseina leh chhandamna chungchâng chu Bible lehlin zawng zawng aṭang deuhthawin i zir thei a ni.

•   A chhan bul ber chu Pathian Jehova kan hmangaih vâng a ni a, ani chuan Kristiante chu an thu zirte mi dangte hnêna zirtîr chhâwng tûrin a duh a ni. (Matthaia 22:37, 38; 28:19, 20) A thu zirtîrte hre tûra mite ṭanpuina hmanga “Pathian hnathawhpuite” nih aia chanvo ropui zâwk a awmin kan hre lo.—1 Korinth 3:6-9.

•   Kan vêngte kan hmangaihnain min chêttîr bawk a. (Matthaia 22:39) Kan thu zir ṭha tak takte mi dangte kan hrilhna aṭangin hlimna kan nei bawk a ni.—Tirhkohte 20:35.