Ngai lo. Kum zabi tam tak kaltaa mi taktaduai tam takte leh Jehova Thuhretu ni lote pawhin chhandam nih theihna hun remchâng an nei ang. Bible-in Pathian tiam khawvêl tharah chuan, “mi felte leh fel lote thawhlehna a awm ang,” tih a sawi a. (Tirhkohte 24:15) Chu bâkah, tûna nung dama awm Pathian rawng la bâwl ṭan lo tam takte pawh chhandam an ni ang. Eng pawh ni se, chhandama awm tûr leh tûr lote chu keini lo rêl tûr a ni lo. Chu chu Isua kuta awm a ni.—Johana 5:22, 27.