Kan inkhâwm dân zir la, i hnaiha awm inkhâwmna hmun zawng ang che.

Jehova Thuhretute chuan chawlhkâr khatah inkhâwm vawi hnih an nei ṭhîn a. (Hebrai 10:24, 25) Vântlâng tâna tel theihna hêng inkhâwmahte hian Bible sawite leh a zirtîrna kan nunpui theih dânte chu bih chian a ni ṭhîn.

Kan hun hman dân a tam zâwk chu classroom-a sawihona anga ngaithlatute nêna sawihona a ni a. Mahni duhthuin sawihonaah chuan a tel theih a ni. Inkhâwmte chu hla leh ṭawngṭainaa hawn leh khâr a ni.

Kan inkhâwmnaa i lo tel theih nân Jehova Thuhretu i nih kher a ngai lo. Mi zawng zawng chu lo tel tûrin kan sâwm a. Luh man a awm lo va, thawhlâwm khawn a ni ngai hek lo.