Marka Ziak 16:1-8
-
Isua thawhleh thu (1-8)
16 Tin, Sabbath Nî a zawh chuan Mari Magdalini te, Jakoba nu Mari te leh, Salomi te chuan Isua ruanga hnawih tûr hriak rimtui chawhpawlh an lei a.
2 Tin, chawlhkâr khata ni hmasa ber zîng tak, ni chhuah hlimah thlânah* chuan an kal a.
3 Anni chuan: “Thlân kawngkâa lung kha tuin nge min lum sawnsak ang?” an ti a.
4 Nimahsela, thlân kawngka lam an han en chuan, lung lian tak chu lum sawn sain an hmu a.
5 Thlân chhûnga an han luh chuan tlangvâl pakhat, ding lam panga kawrfual vâr haa lo ṭhu chu an hmu a, mak an ti ta hle a.
6 Ani chuan an hnênah: “Mak ti suh u. Bana an tihhlum tâk Nazaret Isua kha in zawng tih ka hria. A tho leh tawh. Hetah a awm tawh lo. En teh u, amah an zalhna hmun hi.
7 Nimahsela, kal ula, a zirtîrte leh Petera hnênah, ‘Galili lam panin in hmaah a kal mêk e. A hrilh tawh che u ang ngei khân, chutah chuan ani chu in hmu ang,’ tiin va hrilh rawh u,” a ti a.
8 Tichuan, hlauh avânga khûr leh mangang êm êmin thlân aṭang chuan an chhuak a, hmanhmawh takin an tlân ta a. An hlauh êm avângin tu ma hnênah eng mah an sawi lo.*
Footnote-te
^ A nih loh leh, “hriatrengna thlân.”
^ Hmân lai kutziak lehkha upa zâwk leh rin tlâk takah chuan chanchin ṭha Marka bu hi châng 8-na thute hian a tâwp a ni.
