Kum 2023 chhûnga khawvêla thilthlengte hian Bible-in “ni hnuhnûngahte” tia a sawi, hunah kan awm mêk tih finfiah chiang tak a pe a ni. (2 Timothea 3:1) Tûn laia thilthlengte leh tûn kan huna thleng tûra Bible sawi lâwkte a inmil dân hi lo chhinchhiah ang che.

Bible leh khawvêla thilthlengte

 “Indo thu leh indo thuthang.”—Matthaia 24:6.

•   “Khawvêl hmun hrang hrangah tharum thawhna a pung chho mêk.” a

 “Hmun hrang hrangah lîrte a nghîng ang.”—Marka 13:8.

•   “Kum 2023 tîr lam aṭang khân khawvêl pumah magnitude 7 aia nâ lîrnghîng vawi 13 a thleng tawh a, hei hi chhinchhiahna aṭanga kum khat chhûnga a thlen zin berte zînga pakhat a ni.” b

 “Thil hlauhawmte.”—Luka 21:11.

•   “Khawvêl lum zêl chu a tâwp a; khawvêl sa lutuk chu a lo thleng.”—António Guterres, UN secretary-general. c

 “Ṭâmte a tla.”—Matthaia 24:7.

•   “2023: Chhûngkaw châwm harsa titute tâna lungngaihna kum dang.” d

 “Hun khirh takte.”—2 Timothea 3:1.

•   “Khawvêla mi pariat zêla pakhat chuan rilru lama harsatna a nei.” e

Kum 2024-ah eng nge kan beisei theih?

 Kum 2024-ah eng nge lo thleng dâwn tih tu mahin kan sawi lâwk thei lo. Mahse, khawvêl thilthlengte chuan Pathian Ram, a nih loh leh vân sawrkâr chuan nakin lawkah mihringte sawrkâr chu rawn thlâkin, hrehawm tawrhna leh lungkhamna thlentîrtu zawng zawng chu a titâwp tawh ang tih a târ lang a ni.—Daniela 2:44; Thu Puan 21:4.

 Chumi hun kan nghah chhûnga, lungkhamnate kan neih hunah Pathian kan rinchhan thei a. Bible chuan heti hian a sawi a ni:

 “Ka hlauh châng apiangin, nangmah ka ring ang che.”—Sâm 56:3.

 Engtin nge Pathian kan rinchhan tih kan lantîr theih? Hrehawm tawrhna awm tawh loh hun chungchânga Bible thutiamte zir belh tûrin kan sâwm a che. Nang leh i chhûngte’n Bible thutiamte inhlâwkpui theih dân hre tûrin phûrawm taka a thlâwna Bible sawihona tih hi neih tum rawh.