Mi tam tak chuan khawvêlin kum 2024-a a hmachhawn tûr harsatnate atân chinfel dân tûr a awm an ring lo va. Mahse, nakin hun atân beiseina kan nei thei a ni. Khawi aṭangin nge?

 Bible chuan tûna kan nun beisei bova siamtu harsatnate chu Pathianin a tibo dâwn tih a tiam a. Nakin lawkah chuan, Pathianin “[kan] mit ata mittui zawng zawng a hrufai ang a; thihna a awm leh thei tawh lo vang a, lungngaih te, ṭah te, nat te pawh a awm leh tawh hek lo vang.”—Thu Puan 21:4.

•   Bible-a târ lan nakin hun atâna beiseinate chungchâng hriat belh nân, “A Real Hope for a Better Tomorrow,” tih thuziak chu en rawh.

 Bible-ah chuan beiseina tlachham lo tûr leh a êng zâwnga thil thlîr thei tûra ṭanpui theitu che nakin hun beiseina a chuang a. (Rom 15:13) Bible-a thurâwn ṭangkai takte chuan retheihna, rorêl dik lohna leh, dam lohna ang chi tûna i tawh mêk harsatnate hmachhawn thei tûrin a ṭanpui bawk ang che.

•   Bible-a beiseinain pa pakhat chu rethei taka seilian chung pawha thlamuanna leh hlimna nei tûra a ṭanpui dân hre tûrin, Juan Pablo Zermeño: Jehovah Gave Me a Meaningful Life tih video chu en ang che.

•   Bible-in inthiam lohnate, lungngaihnate, rilru hahnate i neih hunah leh i hmangaih tak tu emaw a boral huna a ṭanpui theih dân che hre tûrin, “Bible-ah Thlamuanna Thu Ka Hmu Thei Em?” tih thuziak chu en ang che.

•   Kum rei tak chhûng sipaia lo ṭang tawh, “hlimna nei lo leh lainatna nei lo” nia insawitu nu pakhat chuan Bible aṭangin beiseina a hmu a ni. I Put Down My Rifle tih video chu en ang che.

 Kum 2024 chu nangmah leh i chhûngte tân kum ṭha tak nihtîr ang che. Bible-in a ṭanpui theih dân che chu zir belhin a thlâwna Kaihruaitu Nêna Bible Sawihona phûrawm tak chu nei chhin la. Pathianin tûna “rilru thlamuanna” leh “nakin hun beiseina” a pêk theih dân che chu zir ang che.—Jeremia 29:11, NWT.