Bible chuan Armageddon chu khawvêl hmun pakhata indona ang ni lovin, Pathian leh khawvêl sawrkâr zawng zawng inkâra indona angin a târ lang a.

•   “Ramhuai thlarau. . . chu Pathian Engkimtitheia ni ropuia indonaa hruai khâwm tûrin khawvêl zawng zawnga lalte hnênah an kal a. . . . hmun pakhat Hebrai ṭawnga Har–Magedon an tihah chuan an hruai khâwm ta a.”—Thu Puan 16:14, 16.

 “Armageddon,” tih thu mal hi Hebrai thu mal Har Meghid·dohnʹ, a awmzia chu “Megiddo Tlâng,” tih aṭanga lo chhuak a ni a. Megiddo chu hmân lai Israel rama khawpui pakhat a ni. Chuvângin, mi ṭhenkhat chuan Armageddon indona chu Israel ramah hmuh a ni ang tih an ring a. Mahse, Megiddo hmun emaw, Middle East rama hmun dang emaw chu “khawvêl zawng zawnga lalte” leh, an sipai rualte awmna khawpin a zau tâwk lo a ni.

 Thu Puan bu hi ‘chhinchhiahna,’ a nih loh leh entîr nei ṭawngkama ziah a ni a. (Thu Puan 1:1) Armageddon chuan hmun tak tak ni lovin, Pathian sawrkârna dodâl tûra hnam insuih khâwmte ṭanhona khawvêl pum huap dinhmun a kâwk zâwk a ni.—Thu Puan 19:11-16, 19-21.