Bible-ah hian kan nunpui tûr finna ṭha ber a chuang a. I chhiar a, i chhût ngun ziah a, i thu zirte i nunpui a nih chuan, “i kawngte chu i lo titluang zêl ang.” (Josua 1:8; Sâm 1:1-3) Pathian leh a Fapa Isua i lo hria ang a, chu hriatna chuan chatuana nunnaah a hruai ang che.—Joh. 17:3.

Engtin nge Bible bute chu i chhiar ang? Duh thlan tûr i nei. He Bible chhiarna hun duan hian Bible bute chu a indawta chhiar tûr emaw, thupui târ lante chu thlanga chhiar tûrin emaw a ṭanpui ang che. Entîr nân, Pathianin hmân lai Israel mite a dâwr dân chanchin tlângpui hre tûrin thlan chhuahsa thute chu i chhiar thei a ni. Kum zabi khatnaa Kristian kohhran inṭan dân leh ṭhan chhoh dân hre tûrin ṭhen dangte i chhiar thei bawk. Nî tin chhiar tûra duan lâwksa bungte i chhiar ziah chuan, kum khat chhûngin Bible bu pum i chhiar chhuak thei ang.

Nî tina Bible chhiarna hun duan emaw, kum khat chhûnga chhiarna hun duan emaw, a nih loh leh chhiar ṭan tûrte tâna hun duan i zawng a nih chuan he hun duan hian a ṭanpui ang che. He print chhuah theih Bible chhiarna hun duan hi download la, vawiinah chhiar ṭan nghâl rawh.