Mi tam tak tân hnam intluktlânna chu suangtuahna mai a la ni a.

•   “Hnam inthliarna chuan pâwl te, khawtlâng inrêlbâwlna te, leh nî tin nunahte harsatna nasa tak a la thlen zêl a. Chu chuan mite chu dik lo taka incheibâwl tûrin a la chêttîr zêl.”—António Guterres, UN Secretary-General.

 Hnam intluktlânna chu a awm thei tak tak ang em? Bible-in eng nge a sawi?

 Bible chuan Pathianin hnam tina mite a thlîr dân chu min hrilh a.

•   “[Pathianin] lei chung zawng zawnga awm tûrin bul hmun khat vekin hnam tin a siam a.”—Tirhkohte 17:26.

•   “Pathianin mi duhsak bîk a nei lo . . . nimahsela, hnam tin zîngah tu pawh amah ṭiha, fel taka ti apiang a lâwm zâwng mi an ni ṭhîn.”—Tirhkohte 10:34, 35.

 Bible chuan mihring zawng zawng hi chhûngkaw khat kan ni tih leh Pathianin hnam tina mite a pawm tih a târ lang.

 Intluktlânna chu Pathian Ram, vân sawrkâr awpna hnuaiah a awm thei tak tak ang. Chu sawrkâr chuan mite chu thlei bîk nei lova incheibâwl dân a zirtîr ang. Mite chuan hnam inthliarna rilru an neihte paih bo dân an hria ang.

•   “Khawvêla awmte chuan felna chu an zir ṭhîn [dâwn] si a.”—Isaia 26:9.

•   “Felna hnathawh chu remna a ni ang a, felnaa thil chhuak chu kumkhuaa muang taka awmna leh ring tlata awmna a ni a.”—Isaia 32:17.

 Tûn laia mi maktaduai tam tak chuan Bible aṭangin mi dangte zah thiam taka cheibâwl dân an zir a ni.

•   Hriat belh nân, “Is There a Cure for Prejudice?” tih thuziak chuanna Awake! Magazine chu chhiar ang che.

•   Hemi chungchâng nu leh pate’n in lama an fate an sawipui theih dân chu “Talking to Children About Racism” tih thuziak aṭangin chhiar ang che.