Khawvêl pumah, indonate avângin chhiatna, harsatna leh, hrehawm tawrhnate a thleng zawm zêl a. A hnuaia report-te hi lo chhinchhiah ang che:

•   “Kum hmasa khân, indona avângin kum 1994 aṭanga kum dang zawng aiin mite an thi nasa lehzual a, a bîk takin, Ethiopia leh Ukraine indonate vâng a ni.”—Peace Research Institute Oslo, June 7, 2023.

•   “Ukraine indona hi kum 2022-a buaina nasa tak thlentîrtu zînga pakhat mai a ni a. A tlângpui thuin, kum hmasa khân khawvêl puma politics vânga tharum thawhna chu zaa 27-in a pung a, mi tlûklehdingawn 1.7-in an tawrh phah nia chhût a ni.”—The Armed Conflict Location & Event Data Project (ACLED), February 8, 2023.

 Bible chuan beiseina min pe a. Heti hian kan chhiar a ni: “Vân Pathianin ram a rawn din ang a, chu chu a chhe ngai tawh lo vang,” tiin. (Daniela 2:44) Chu Lalram, a nih loh leh sawrkâr hnuaiah Pathian chuan “indonate chu kâwlkil thlengin a tireh” ang.—Sâm 46:9.