HRIATRENGNA CAMPAIGN
Isua’n Indona A Titâwp Ang
Leia a awm lai khân Isua’n mite chungah hmangaihna nasa tak a lantîr a, an tâna a nun hlân hial khawpin hmangaihna a lantîr a ni. (Matthaia 20:28; Johana 15:13) Nakin lawkah, Pathian Rama Lal a nih anga a thuneihna chu hmangin “indonate chu kâwlkil thlengin a tireh” ang a, mite a hmangaihzia a lantîr leh ang.—Sâm 46:9.
Bible-in Isua thiltih tûr a târ lan dân hi lo chhinchhiah ang che:
“Pachhiain a auhvin ani chuan a chhanhim ang a, mi rethei, ṭanpuitu nei lo pawh chu a chhanhim ang a. Mi rethei leh pachhiate chu a khawngaih ang a, pachhiate nunna chu a chhandam ang. An nunna chu hnehchhiahna leh nunrâwnna lak ata a tlan ang.”—Sâm 72:12-14.
Engtin nge kan tâna Isua tih tawhte leh la tih tûrte chungah lâwmna kan lantîr theih? Isua chuan Luka 22:19-ah a thihna hre reng tûrin a hnungzuitute chu a hrilh a. Chuvângin, Jehova Thuhretute chu a thih champha hmang tûrin kum tinin an kal khâwm ṭhîn a ni. Chawlhnî, March 24, 2024-ah kan ruala Isua thih Hriatrengna inkhâwma lo tel ve tûrin kan sâwm a che.