Isua he leia a awm lai khân, mite a hmangaihzia a lantîr a; a bîk takin, mi retheite leh rilru hah tak takte chungah a ni. (Matthaia 9:36) Mite’n an hlâwkpui theih nân a nun pawh a hlân hial a. (Matthaia 20:28; Johana 15:13) Ani chuan nakin lawkah pawh, khawvêl puma reitheihna zawng zawng titâwp tûrin Pathian Lalrama Lalber a nih anga, a thuneihna leh thiltihtheihna hmangin mite a hmangaihzia chu a lantîr leh ang.

 Bible-ah hian Isua thiltih tûrte chu hla thu anga hetianga târ lan a ni a:

•   “Ani chuan mi zînga retheite chu ro a rêlsak ang a, pachhe fate chu a chhandam ang.”—Sâm 72:4.

 Engtin nge kan tâna Isua’n thil min tihsak tawhte leh min la tihsak tûr zawng zawngte avânga kan lâwmzia kan lantîr theih ang? Luka 22:19-a kan hmuh angin, Isua chuan a hnungzuitute chu a thihna hre reng tûrin a hrilh a ni. Chuvângin, kum tina chu a thih champha a thlen apiangin, Jehova Thuhretute chu an inhmu khâwm ṭhîn a. Kum 2024, March 24, Chawlhnia Isua thih Hriatrengna kan hman huna kan ruala lo tel ve tûrin kan sâwm a che.

Hriatrengna Inkhâwm Zawnna