Isua chuan suahsualna leh rorêl dik lohnain hrehawmna a thlen nasatzia chu a hria a. Ani chuan dik lo taka puhna te, vuakna te, hêkna te leh, thil sual tia puhna te, bâkah, hrehawm taka nghaisakna te a tâwk a. Thil sual eng mah ti lo mah se, inhuam tak leh mahni hmasialna nei lovin, “mi tam tak tlan nân a nun” a pe a ni. (Matthaia 20:28; Johana 15:13) Tûnah chuan, Pathian Lalrama Lalber niin, suahsualna chu mi zawng zawng tâna titâwp hlenin, khawvêl pum puiah rorêl dikna a rawn thlen thuai ang.—Isaia 42:3.

 Bible chuan Isua’n hma a lâk huna he khawvêl awm dân tûr chu hetiang hian a târ lang a:

•   “Mi suaksual chu a awm tawh dâwn si lo; a ni, a awmna hmun chu en en mah la, a awm tawh lo vang. Thuhnuairawlhte erawh chuan ram hi an luah ang a, remna chênin an hmuingîl ang.”—Sâm 37:10, 11.

 Engtin nge Isua’n kan tâna min tihsak tawhte leh min la tihsak tûrte avânga kan lâwmzia kan lantîr theih? Luka 22:19-a chhinchhiah angin, Isua chuan a hnungzuitute chu a thihna hre reng tûrin a hrilh a. Chuvângin, kum tin hian, Jehova Thuhretute chu Isua thih champha apiangin an inhmu khâwm ṭhîn a. Kum 2024, March 24, Chawlhnia neih tûr, Isua Thih Hriatrengnaa lo tel ve tûrin kan sâwm a che.

Hriatrengna Inkhâwm Zawnna