NGAIHVEN RENG RAWH U!
Hlauhawm Khawpa Khawvêl Sik Leh Sa Lum Chhohna—Bible-in Eng Nge A Sawi?
Kum 2022 July thla chhûng khân, khawvêl pumah hlauhawm khawpa sik leh sa a lum chhoh thu târ lan a ni:
“China sawrkâr chuan an khawpui 70 deuhthawah July thla chhûnga a ṭum hnihna atân hlauhawm khawpa khua a lum tûr thu mipuite a hriattîr.”—July 25, 2022, CNN Wire Service.
“Europe khawmuala hmun hrang hrangah khawlum lutuk avângin ram a kâng nasa hle.”—July 17, 2022, The Guardian.
“United States Chhak lam Tuipui Kam bâkah, Chhim lam leh Thlang lama hmun ṭhenkhatah nasa taka khua a lum avângin, Chawlhni khân khawpui tam tak chuan khaw lum ber ṭum an tawng.”—July 24, 2022, The New York Times.
Hêng zawng zawng hian eng nge a târ lan? Khawvêl hi nunna awm theih lohna hmunah a la chang mai ang em? Bible-in eng nge a sawi?
Nasa taka khaw lumna hian Bible hrilh lâwkna a tithleng famkim em?
Tithleng famkim e. Khawvêl pum huapa nasa taka khaw lum chhohna hi Bible-in kan tûn lai huna thilthleng tûr a sawi lâwkte nên a inmil a. Entîr nân, Isua chuan “thil hlauhawmte,” a nih loh leh “thil mak leh râpthlâk takte [Good News Translation]” kan la hmuh tûr thu a sawi lâwk a ni. (Luka 21:11) Khawvêl pum huapa sik leh sa a lum chhoh zêl avângin, mi tam tak chuan mihringte hian khawvêl hi kan tihchhiat mai an hlau hle.
Khawvêl hi chên theih lohna hmunah a chang ang em?
Chang lo vang. Pathianin leilung hi kum khuaa mihringte chên nân a siam a. (Sâm 115:16; Thuhriltu 1:4) Mihringte tihchhiat phal ahnêkin, “lei tichhetute tihchhiat ve thung hun” a thlentîr tûr thu a tiam a ni.—Thu Puan 11:18.
Pathian thutiam dang târ langtu hrilh lâwknate zînga pahnih chu i lo ngaituah ang u:
“Thlalêr leh ram pilril chu a lâwm ang a, ram ro chu a hlimin phûl pangpâr angin a pâr ang.” (Isaia 35:1) Pathian chuan leilung hi chên theih lohna hmun thlalêr ram rova chantîr a phal lo vang a; chu aiin, a chhe laite chu a siam ṭha zâwk ang.
“Lei hi i kan a, tuiin i châwm a, nasa takin i tiṭha ṭhîn.” (Sâm 65:9) Pathian malsâwmnain lei hi paradis-ah a chang ang.
Sik leh sa inthlâkin Bible hrilh lâwkna a thlen famkimtîr dân hriat belh nân, “Sik Leh Sa Inthlâkna leh Kan Nakin Hun Chungchângah Bible-in Eng Nge A Sawi?” tih thuziak chu chhiar ang che.
Kan chhehvêl boruak siam ṭhat leh chungchânga Bible thutiamte hriat belh nân, “Tuin Nge Leilung Hi Chhanhim Ang?” tih thuziak chu chhiar ang che.
You May Also Like
THU DANGTE
Khawchin Nasa Taka Inthlâk Danglamna Hmachhawn Tûrin Bible-in A Ṭanpui Thei Che Em?
Bible thurâwn chuan khawchin nasa taka inthlâk danglamna a thlen hma, a thlen lai, leh a thlen hnuah a ṭanpui thei che.
BIBLE ZAWHNATE CHHANNA
“‘Ni Hnuhnûng’ A Nih Loh Leh ‘Tâwpna Hun’ Chhinchhiahna Chu Eng Nge Ni?”
Bible chuan ni hnuhnûng chhinchhiahtu tûr a ruala thleng tûr thil tam tak a sawi lâwk.
ESSENTIAL BIBLE TEACHINGS
Engvângin Nge Pathianin He Lei Hi A Siam?
Kan khawvêl hi thil mawi taktein a khat a. Nî aṭanga a âwm tâwk chiaha hlaah a dah a, a âwm tâwk chiahin a inhertîr a ni. Engvângin nge Pathianin he leilung hi hetiang khawpa mawi tûra a siam?
THU DANGTE
Sik Leh Sa Inthlâkna leh Kan Nakin Hun Chungchângah Bible-in Eng Nge A Sawi?
Siamtuin he lei leh a chhûnga chêngte hi a ngaihsak em?
SPECIAL CAMPAIGN
Bible Sawihona Neih Dîlna
Mi pakhat nên a thlâwna phûrawm taka Bible sawihona nei rawh.
