Ukraine rama indona chhuakah hian, Kristian sakhaw hruaitu tam tak chuan mite chu indonaa tel tûrin an fuih a. Ram pahniha sakhaw hruaite’n an awmna ram an ṭan dân hi lo chhinchhiah ang che u:

•   “Min dotute laka Ukraine mipuite vênghimtu kan sipaite u ka chhuang che uin, in chungah ka lâwm tak zet . . . Thinlung taka kan ṭawngṭaisak che u bâkah, kan thlâwp reng a che u.”—Metropolitan Epiphanius I of Kyiv, as reported in The Jerusalem Post, March 16, 2022.

•   “Russia rama Orthodox Church hruaitu lu ber chuan Chawlhni khân Russia sipate tân a bîk taka ṭawngṭai inkhâwm a buatsaih a, Ukraine rûn mêktu Moscow sipaite chu ‘Russia mite chauh tih theih a nih anga’ Russia ram vênghim tûrin a fuih a ni.”—Reuters, April 3, 2022.

 Kristiante chu indonaah an tel tûr a ni em? Bible-in eng nge a sawi?

 Bible chuan Isua Krista hnungzuitu dik takte chu indonaa an tel loh thu a sawi.

•   “I khandaih kha a dahnaah dah leh rawh, khandaih ruaitu zawng zawng chu khandaih vêkah an thi dâwn si a.”—Matthaia 26:52.

   Indona thlâwptu emaw, sipaia ṭang tu emaw chuan Isua thu a awih tiin kan sawi thei ang em?

•   “Thupêk thar ka pêk che u hi, inhmangaih ula; keiin ka hmangaih che u ang hian nangni pawh inhmangaih ula. In inhmangaih chuan mi zawng zawngin ka zirtîrte in ni tih chumiah chuan an hria ang.”—Johana 13:34, 35.

   Indona thlâwptu chuan Isua’n a zirtîrte, a nih loh leh a hnungzuitute chhinchhiahna tûr nia a sawi hmangaihna chu a lantîr tiin kan sawi thei ang em?

 Hriat belh nân, “Is War Compatible With Christianity?” tih thuziak chu chhiar rawh.

 Indonaa Kristiante inhnamhnawih lo tûra beisei chu thil inâwm a ni rêng em? Ni e. Bible chuan ‘ni hnuhnûng’ tia a koh kan tûn hnunah hian Isua zirtîrna mila ‘indo dân zir’ tawh lo tûr hnam tin zînga mi an awm tûr thu a sawi lâwk a ni.—Isaia 2:2, 4.

•   Hriat belh nân, “Engtin Nge Pathianin Indona A Thlîr?” tih Vênnainsâng thuziak inzawm chu chhiar rawh.

 Nakin lawkah “remna Pathian” Jehova chuan a a vân sawrkâr hmangin a mite chu “hnehchhiahna leh nunrâwnna lak ata” a chhan chhuak ang.—Philippi 4:9, NWT; Sâm 72:14.

•   Chumi hriatthiam nân, Pathian Ram Chu Eng Nge Ni? tih video chu en rawh.