Mal nia inhriatna dona chu kum 2023-a khawvêl pum huap hrisêlna atâna ngaih pawimawh ber a rawn ni ta a ni. He dona hi hneh theih a ni ang em?

•   “Mal nia inhriatna leh mi dangte laka awm hranna hian kan hrisêlna leh hlimna nasak takin a khawih pawi thei,” tiin U.S.A-a inzai thiam Dr. Vivek Murthy-a chuan a sawi a. Heti hian a sawi belh bawk: “Hemi chungchângah hian tih theih kan nei a ni.” Engtin nge? “Mi dangte nêna kan inlaichînna nî tina tihnghet tûra hma lâkna chhe tê tê neihna hmangin,” tiin. a

 Mal nia inhriatna hi awm hranna avâng chauhva awm a ni lo. Mi ṭhenkhat chuan mi zînga an awm lai pawhin mal nia inhriatna an nei thei a. A chhan chu eng pawh ni se, Bible chuan ṭanpuina a pe thei a ni. Bible-ah hian mi dangte nêna kan inlaichînna tihnghehna hmanga mal nia inhriatna do hneh tûra min ṭanpui thei thurâwn ṭangkai tak tak a chuang a ni.

 Mi dâwr thiam tak ni rawh. Hetah hian mi dangte hnêna kan rilru vei zâwngte hrilhna mai ni lovin, ṭha taka ngaihthlâkna pawh a tel a. Mi dangte i ngaihsak poh leh in inlaichhînna a nghet lehzual ang.

•   Bible thu bul: “Mahni ta ta mai en lovin, mi dang ta pawh en ṭheuh zâwk rawh u.”—Philippi 2:4.

 Ṭhian tam lehzual neih tum rawh. Nangmah aia upa zâwk emaw, naupang zâwk emaw, a nih loh leh, ṭobul leh hnam dang mi an ni emaw pawh ni se, chûng mite nêna ṭhiana insiam chu hreh suh.

•   Bible thu bul: ‘Inhawng rawh u.’—2 Korinth 6:13.

 Mi dangte nêna inlaichînna nghet tak neih theih dân chungchâng hriat belh nân, he thuziak “Satisfying Our Hunger for Friendship,” tih hi chhiar ang che.