Khawvêl puma mi tam takte tân chuan dam khaw chhuah nâna mamawh tâwk sum leh pai neih chu thil harsa tak a ni a—a harsa chho tulh tulh a ni.

•   Tûn hnaia neih khawvêl pum huap report a pakhat chuan mite lâk luh sum hlutna chu a kiam chak hle,” tiin a sawi. Chu bâkah, tihdanglamna eng mah a awm loh a nih chuan, mi hausate leh mi retheite inkâr a hla telh telh ang a, chhûngkaw tam tak chu tûn hma angin nun nuam takin an awm thei tawh lo vang,” tiin a vaukhân bawk a ni.

 Sawrkârte chuan sum leh pai lama harsatnate hi an chingfelin, hmasâwnna an siam thei ang em?

 Bible chuan intluktlân lohna pawh tiamin, sum leh pai harsatna zawng zawng chingfel thei leh chingfeltu tûr sawrkâr pakhat chungchâng a sawi a. “Vân Pathianin ram a rawn din ang,” tiin a sawi a, chu chu he leia buaina zawng zawng chingfeltu tûr sawrkâr a ni. (Daniela 2:44) Chu khawvêl sawrkâr hnuaiah chuan, tu mah hi ngaihthahin an awm tawh lo vang. (Sâm 9:18) Pathian Ram chuan a khua leh tuite chu an hlimna tûra an mamawhte a pe vek ang. Mi zawng zawng chuan an thawhrim rah malsâwmna chu an chên ṭheuh tawh ang.—Isaia 65:21, 22.