Mite chu mi rinchhan tlâk nia an ngaihte’n an tihbeidawn hian an lunghnual hle a. Mi tam tak chuan hêng a hnuaia mite hi an rinchhan ngam tawh lo . . .

•   ram mi leh sate mamawh aia mahni ṭhatna dah pawimawh zâwktu politics hruaitute.

•   dik taka chanchin tichhuak lotu media-te.

•   mite tâna thil ṭha ber tûr ti lotu scientist-te.

•   Pathian rawng bâwl aia politics thlâwp tlattu sakhaw hruaitute.

 Mite hian tu nge an rinchhan dâwn tih chungchângah an fîmkhur a ngai a. Bible chuan heti hian a vaukhân a ni:

•   “Mi liante chu ring suh ula, mihring fapa, ṭanpuina rêng rêng awm lohna chu, ring hek suh u.”—Sâm 146:3.

 Bible chuan i rinchhan theih tûr chu a sawi a: Isua Krista a ni. Ani chu kum zabi tam tak kal taa nung mi ṭha satliah mai a ni lo. Pathianin Isua chu ‘Lal nia rorêl tûrin’ a ruat a, “a rorêlnain tâwp nî rêng a nei lo vang.” (Luka 1:32, 33) Isua chu Pathian Lalram, vâna rorêl mêk sawrkâra Lalber a ni.—Matthaia 6:10.

•   Isua i rinchhan theih dân hre tûrin, hêng thuziakte “Pathian Rama Lal Chu Tu Nge Ni?” tih leh “Pathian Ramin Eng Nge A Hlen Chhuah Ang?” tihte hi chhiar ang che