Kum 2023 February 24, Zirtâwpni kha Ukraine indona râpthlâk tak kum khat tlinna champha a ni a. Chanchin ṭhenkhatin a sawi dân chuan Ukrainian sipai leh Russian sipai 3,00,000 vêl ve vein nunna an chânin hliam an tuar tawh a, mipui zînga mi 30,000 vêl an thi bawk. Mahse, belhkhâwm chuan chu aia tam pawh an ni thei.

 Lungchhiatthlâk takin, indona chu tâwp mai tûr angin a lang lo.

•   “Russian sipaite Ukraine rama an luh aṭangin kum khat dâwn ni tawh mah se, buaina chu tâwp mai tûr angin a lang lo. Chak zâwk tûr anga lang pawh an awm lo va, inremna an siam theih pawh a rinawm loh.”—NPR (National Public Radio), February 19, 2023.

 He indona leh indona dangte’n khawvêl puma pawisawi lote chunga natna leh hrehawm tawrhna a thlen avângin mi tam tak chu an lungngai hle a. Bible-in eng beiseina nge a pêk? Indonate hi a tâwp ngai ang em?

 Bible chuan mihringte tiboral lova, chhanhim zâwk tûr indona chungchâng a sawi a. Chu indona chu Armageddon tia koh a ni a, ‘Pathian Engkimtitheia ni ropuia indona,’ tia târ lan a ni bawk. (Thu Puan 16:14, 16) Pathianin chu indona hmang chuan chhiatna nasa tak thlentu indonate awmtîrtu mihring rorêlna chu a titâwp ang. Armageddon-in remna tluantling a thlen dân tûr hriat nân, a hnuaia thuziakte hi chhiar ang che:

•   “Armageddon Indona Chu Eng Nge?”

•   “Armageddon Chu Chanchin Ṭha A Ni”