Jakoba chuan thil pawimawh tak—Jehova malsâwmna dawng tûrin vântirhkoh a buan a. (Gen. 32:24-31; Hos. 12:3, 4) Kan chungchâng ve hi le? Jehova thu âwih tûr leh a malsâwmna dawng tûrin thawhrim lehzual kan inhuam em? Entîr nân, kohhran inkhâwma tel leh kan tisa lam hna thawh belh tûr chungchângah duh thlanna siam ngai ta se, eng nge kan thlan ang? Jehova hnêna kan neih ṭhat ber kan hun leh tha leh zung, bâkah kan thil neihte kan pêk hian, “malsâwmna dawn sên loh khawp hial” min vûr ang. (Mal. 3:10) Tichuan, min vêngin min kaihruai ang a, kan mamawhte min pe bawk ang.—Mt. 6:33; Heb. 13:5.

THLARAU LAM THILTUMTE NGAIHSAK RENG RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge unaunu chu a thil ngainat tak hmanga fiah a nih?

• Engtin nge kan hnathawh chu fiahna a nih theih?

• Thlarau lama puitling tak Timothea tân engvângin nge thlarau lam thiltumte a insiam zawm zêl a ngaih?—1 Tim. 4:16

• Kan “hna pawimawh ber” chu engtin nge kan lantîr theih?