Milem biak khapna dân pêk a nih hma daih aṭangin, Jakoba chuan Jehova chauh chu chibai bûk phû Pathian a ni tih a hria a. (Ex. 20:3-5) Jehova’n Bethela kîr leh tûra a tih hnuah, Jakoba chuan a hnêna awm zawng zawngte chu an milemte paih bo vek tûrin a hrilh a. Tichuan, milem biakna nêna inkûngkaihna nei mai thei bengbehte pawh tiamin milemte chu a tichhe vek a ni. (Gen. 35:1-4) Jakoba thiltihte chuan Jehova a tilâwm tih rinhlelh rual a ni lo.

Tûn lai hunah, engtin nge Jehova hnênah kan inpêk pumhlûm theih? Kan tih theih dân pawimawh tak pakhat chu milem biakna leh ramhuai zâwlna pumpelh hi a ni. Chutah chuan ramhuai zâwlna nêna inkungkaih thilte paih bo leh fîmkhur taka intihhlimna thlan a tel a. Entîr nân, heti hian inzâwt rawh: ‘Thisen zûk hmang te, zombie te, leh tisa khawvêl piah lam thilte telna lehkhabu emaw, film emaw hmangin ka intihlim em? Dawi te, mitdawivaih te, dawi hla chhamte chu chhiatna min thlen thei lo tûr intihhlimna angin ka thlîr em?’ tiin. Jehova huat zâwng thil eng pawh lakah kan inthiar fihlîm tûr a ni.—Sâm 97:10.

“DIABOLA DODAL RAWH U” TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• Bible zirlai Palesa-i nunah eng harsatna nge lo thleng?

• Engvângin nge ramhuai zâwlna nêna inkûngkaih thilah upate ṭanpuina dîl chu a finthlâk?

• Jehova vênhimna dawng duhtute tân eng thilte laka inthiar fihlîm nge ngai?

• Palesa-i chuan eng thil pawimawh tak nge a tih?

• I awmna hmuna ramhuaite thununna pumpelh tûra i tih ngai ṭhenkhat chu eng nge ni?