August 5-11

SAM 70-72

PLAY RAWH

August 5-11

Hla 59 leh Ṭawngṭaina | Inkhâwm Hmêlhriattîrna (1 min.)

PATHIAN THU AṬANGA RO HLUTE

1. Pathian Thiltihtheihna Chu Ṭhangtharte Hnênah Hriattîr Rawh

(10 min.)

Davida chuan a tleirâwl laiin Jehova vênhimna a dawng (Sâm 71:5; w99 9/1 18 ¶17)

Davida chuan tar a nih hnuah pawh Jehova ṭanpuina a dawng (Sâm 71:9; g05-BU 6/8 13 ¶3)

Davida chuan ṭhalaite chu a thiltawnte hrilhin a tichak (Sâm 71:17, 18; w14 1/1 23 ¶4-5)

HETI HIAN INZAWT RAWH, ‘Chhûngkuaa Pathian Biaknaah kan kohhrana kum rei tak rawng lo bâwl tawh tu nge biangbiakna neihpui kan duh ang?’

2. Thlarau Lam Lunghlute

(10 min.)

Sâm 72:8—Engtin nge Genesis 15:18-a Abrahama hnêna Jehova thutiam chu Lal Solomona lal chhûnga a thlen famkim? (it-1-BU 768)

I chhânna
Tûn kâr Bible chhiar aṭangin eng thlarau lam lunghlute nge i sawi duh?

I chhânna

3. Bible Chhiar

(4 min.) Sâm 71:1-24 (th zirlai 5)

THLAWHHMA RAWNGBAWLNAAH INHMANG RAWH

4. Tîtî Ṭanna

(3 min.) IN TIN. Tu emawin a hnial ṭan che chuan, in inbiakna chu ṭawngkam ṭhain titâwp ang che. (lmd zirlai 4 point 5)

5. Bawhzui Rawh

(4 min.) TAWNCHAWPA THU HRILHNA. In inbiakna hmasaa Bible zirna neih hrehtu i chhûngkhat chu inbiakna neihpui zawm ang che. (lmd zirlai 8 point 4)

6. I Rinna Chungchâng Hrilhfiahna

(5 min.) Thusawi. ijwfq 49—Thupui: Engvângin Nge Jehova Thuhretute’n An Thurin Ṭhenkhat An Thlâk? (th zirlai 17)

KRISTIANTE ANGIN NUNG RAWH

Hla 76

7. Chhûngkuaa Pathian Biakna Atâna Thurâwnte

(15 min.) Sawihona.

Chhûngkuaa Pathian Biakna chu naupangte tân ‘Jehova thununna leh zilhnate’ zirna hun pawimawh tak a ni. (Eph. 6:4) Thil eng emaw zir tûr chuan ṭan lâkna a ngai a. A bîk takin, naupangte’n Pathian thutak duhna an rawn neih chhoh hian thil zir chu nuam an rawn ti thei a ni. (Joh. 6:27; 1 Pet. 2:2) Nu leh pate’n Chhûngkuaa Pathian Biakna chu bengvârthlâk tak leh nuam tak an nihtîr theih nân “ Chhûngkuaa Pathian Biakna Atâna Rawtnate,” tih bâwm chu ennawnpui la, hêng zawhnate hi sawihopui ang che:

Hêng thurâwnte zînga eng ber hi nge tihchhin i duh?

I chhânna
Thil ṭangkai dang hmuh chhuah i nei em?

I chhânna

CHHUNGKUAA PATHIAN BIAKNA ATANA RAWTNATE

BIBLE:

Chawlhkâr chhûnga chhiar tûr Bible chângte chu aw thunsa ngaihthlâk, a nih loh leh a indawtin a ri chhuaka chhiarna nei u la. Chhûngkuaa mi tinte chuan a changtu mi hrang hrangte thusawi chu a indawtin an chhiar thei ang
Chawlhkâr chhûng Bible chhiar ṭanchhanin zawhnate buatsaih ang che. Chhûngkuaa mi tinte chu zawhna pakhat ṭheuh thlan chhuahtîr la, chumi chungchâng chu zir bingna neihtîr ang che. A hnuah, in hmuh chhuahte chu in sawiho thei a ni
Zawhna pakhat, a nih loh leh dinhmun pakhat târ lang la. Kristian Nun Atâna Bible Chângte tih lehkhabu aṭangin chumi chungchânga Bible thu bulte chu zir bingna nei ang che u
Bible-a thilthleng pakhat lem chang ang che u
Mite Hmangaih La—Zirtîrahte Siam Rawh tih lehkhabua thubelhna A-a chuangte ang chi Bible châng pakhat chu chawlhkâr tin thlangin card pakhata ziakin, by-heart tum ula. Chawlhkâr hmasa lama in ziah chhuah Bible chângte pawh ennawn ṭhîn ang che u
Chatuanin I Hlim Thei! tih lehkhabua thu pakhat chu zir ang che u
Chhûngkuaa mi tinte chu jw.org-a BIBLE ZIRTIRNATE tih hnuaia “Bible Zawhnate Chhânna,” a nih loh leh “Bible Verses Explained,” tih chhûnga thuziak pakhat chungchâng sawi tûrin ruat ang che

INKHAWMTE:

Kohhran inkhâwma zir tûr thu pakhat inbuatsaihna nei ang che u
Chhânnate inbuatsaihin tihchhinna nei ula. In chhânna pêk rei zâwng chu chhinchhiah bawk ang che u
Lalram hlate chu zir ang che u
Inkhâwm ṭan hma, a nih loh leh bân hnuah tu emaw fuih tûra in sawi theihte ngaihtuahin, tihchhinna nei ang che u
Chhûngkaw hmaah school chanvo tihchhinna nei ang che u

RAWNGBAWLNA:

In tina rawngbâwlna atân inbuatsaih ang che u
Tlawhkîrte atân inbuatsaih ang che u
Tawnchawpa thu hrilh theihna dinhmun pakhat ngaihtuahin nêlawm taka tîtîna ṭan dân tihchhinna nei ang che u
Hriatrengna hun chhûng, a nih loh leh hna emaw, school emaw chawlh chhûnga rawngbâwlna zauh theih dân tûr sawiho vang che u

CHHUNGKAW MAMAWHTE:

Tualdawihna, hnehchhiahna, inngaihzâwnna, a nih loh leh kût nîte hman chungchâng nêna inkûngkaih dinhmun lo awm theite chinfel dân tûr a takin tihchhinna nei ang che u
Nu leh pate leh fate chu dinhmun inthlâkthlengin tihchhinna in nei thei a. Fate chuan thu pakhat zir bingna neiin an nu leh pate an chhûtpui ang

RAWTNA DANGTE:

JW Broadcasting^® program enin sawihona nei rawh u
JW.ORG-a thuziak pakhat chhiarin, a nih loh leh video pakhat enin sawihona nei rawh u
JW.ORG-a BIBLE ZIRTIRNATE tih hnuaia “Tleirâwlte,” a nih loh leh “Naupangte,” tih section-a chuang thu pakhat ngaihtuahho rawh u
Inkhâwmpui, a nih loh leh bial inkhâwmpuia note lâkte ennawn rawh u
Thil siam eng emaw ber zir bingna nei u la; tichuan, chuta ṭanga Jehova chungchâng in zir chhuahte chu sawiho rawh u
A khât tâwkin tu emaw sâwmin biangbiakna nei rawh u
Thlarau lam thiltumte insiamin, chûngte in hlen theih dân tûr sawihona nei rawh u
Nova lawng ang chi Bible-a chuang thil eng emaw siam, a nih loh leh kan New World Translation leh kan thu leh hla chhuaha târ lan map leh chart ṭhenkhatte zir chianna nei rawh u

I Chhûngkuaa Pathian Biakna Tihmasâwn Zêl Rawh tih VIDEO chu chhuah la. Ngaithlatute chu heti hian zâwt ang che:

Naupang awm lohna chhûngkuaah pawh engtin nge pa ber chuan a nupui tâna chhûngkuaa Pathian biakna hlimawm tak a awmtîr theih?

I chhânna

8. Kohhrana Bible Zirna

(30 min.) w16.02 p. 12-13 ¶13-19

Inkhâwm Tlipna (3 min.) | Hla 85 leh Ṭawngṭaina

NUN LEH RAWNGBAWLNA INZIRNA LEHKHABU

Kum 2024, August 5-11 atâna Nun leh Rawngbâwlna Inkhâwm Hun Duan

Mizo