July 29–August 4
SAM 69
Hla 13 leh Ṭawngṭaina | Inkhâwm Hmêlhriattîrna (1 min.)
1. Sâm 69-nain Isua Nuna Thilthlengte A Hrilh Lâwk Dân
(10 min.)
Isua chuan chhan awm lovin huat a hlawh (Sâm 69:4; Joh. 15:24, 25; w11 8/1 13 ¶17)
Isua chu Jehova in atân ṭhahnem a ngai (Sâm 69:9; Joh. 2:13-17; w10 12/1 16 ¶7-8)
Isua chu nasa taka rilru tihhrehawmin a awm a, uain eng lo khâ nêna pawlh pêk a ni bawk (Sâm 69:20, 21; Mt. 27:34; Lk. 22:44; Joh. 19:34; g95-BU 10/22 31 ¶4; it-2-BU 650)
CHHUT NGUN TUR: Engvângin nge Jehova’n Messia chungchâng hrilh lâwkna chu Hebrai Pathian Lehkha Thua a chuantîr?
2. Thlarau Lam Lunghlute
(10 min.)
-
Sâm 69:30, 31—Engtin nge hêng Bible chângte hian ṭawngṭaina kawnga hmasâwn tûra min ṭanpui theih? (w99 1/15 18 ¶11)
-
Tûn kâr Bible chhiar aṭangin eng thlarau lam lunghlute nge i sawi duh?
3. Bible Chhiar
(4 min.) Sâm 69:1-25 (th zirlai 2)
4. Dawhtheihna—Isua Tih Dân
(7 min.) Sawihona. VIDEO chu chhuah la, tichuan, lmd zirlai 8 point 1-2-na chu sawipui ang che.
5. Dawhtheihna—Isua Entawn Rawh
(8 min.) lmd zirlai 8 point 3-5 leh “En Bawk Rawh,” tih ṭanchhanin sawipui ang che.
Hla 134
6. Tualchhûng Mamawhte
(5 min.)
7. Chhûngkuaa Pathian Biakna Atâna Thu Bulte
(10 min.) Sawihona.
Kum 2009, January thla aṭang khân, Kohhran Lehkhabupui Zirna chu chawlhkâr chhûng inkhâwma Theocratic Rawngbâwlna School leh Thlawhhma Rawngbâwlna Inkhâwmte ruala neih a ni a. Chu chuan, chhûngkaw tinte chu chawlhkâr tina an mamawh nêna inmila chhûngkuaa Pathian biakna neih theihna hun remchâng a pe a ni. Mi tam tak chuan he ruahmanna hian Pathian nêna inlaichînna ṭha nei tûr leh chhûngkuaa mi tinte inhnaih lehzual tûra a ṭanpui avângin an lâwmzia an sawi fo va ni.—Deut. 6:6, 7.
Eng thu bulte’n nge chhûngkaw lûte chu Chhûngkuaa Pathian Biakna hlawhtling tak nei tûra ṭanpui?
-
Nei ziah rawh. A theih phawt chuan, chawlhkâr tin chhûngkuaa Pathian biakna atân hunbi siam ang che. Chhan chi hrang hrang avânga ṭhulh a ngaih hun atân ni khat dang thlang sa ang che
-
Inbuatsaih rawh. I nupui râwn la. A khât tâwkin, i fate duh dân pawh zâwt ang che. A bîk takin, i chhûngte’n tih dân nuam tih zâwng an neih a, chumi anga in tih ziah dâwn chuan inbuatsaih lutuk a ngai lo vang
-
A ṭûl dân azirin tidanglam zêl rawh. Naupangte an ṭhan chhoh zêl rual hian an mamawhte leh an theihnate chu a danglam zêl a. I ruahmanna siam chuan chhûngkuaa mi tinte chu thlarau lama ṭhang chho tûrin a ṭanpui tûr a ni
-
Boruak nuam leh hahdam tak awmtîr ang che. Khaw awm dân azirin, a châng chuan pâwnah zirna neihpui ang che. A ṭûl dân azirin chawlh hun siam la. Chhûngkuaa harsatna awmte chinfel dân sawiho a ṭhat rualin, chhûngkuaa Pathian biakna chu chhûngte hauh nân emaw, zilh nân emaw hmang suh ang che
-
Thil chi hrang hrang telh rawh. Entîr nân, inkhâwma zir tûr thu ṭhenkhat buatsaihnate, jw.org-a video ena sawihonate leh, rawngbâwlna atâna tihchhinna neih ang chite chu i telh thei a ni. Sawihona neih chu Chhûngkuaa Pathian Biaknaa tih tûr ber ni mah se, chu hun chu mahnia mi mal inzirna atâna hman theih a ni bawk
He zawhna hi sawiho vang che u:
-
Engtin nge hêng thu bulte hi in chhûngkuaa Pathian biaknaah in lo hman tawh?
8. Kohhrana Bible Zirna
(30 min.) w16.02 p. 9-12 ¶1-12
