Jeremia chu Juda mite’n an Pathian Jehova an theihnghilh avânga chhiatna lo thleng tûr vaukhân tûra mawhphurhna pêk a ni a. (Jer. 13:25) Engtin nge he thlarau lam dinhmun lungchhiatthlâk tak hi Judate chunga a lo thlen? Israel chhûngkuate chuan an thlarau lam thil chu an hloh va. Chhûngkaw lûte chuan Deuteronomy 6:5-7-a chhinchhiah Jehova kaihhruaina chu an zâwm lo niin a lang.

Thlarau lama chak chhûngkuate chuan tûn laia kan kohhran ngêlnghehna an awmtîr a. Chhûngkaw lûte chuan an chhûngkuaa mi tinte chu awmzia nei taka Chhûngkuaa Pathian Biakna neihpui ziahna hmangin Jehova hre reng tûrin an ṭanpui thei a ni. (Sâm 22:27) ‘Hêng Thu Hi In Thinlungah A Châm Reng Tur A Ni’—Chhûngkaw Biangbiakna tih video en hnuah hêng zawhnate hi chhâng ang che:

• Engtin nge chhûngkaw ṭhenkhat chuan Pathian biakna nei tûra harsatna an tawh ṭhinte chu hlawhtling taka an hmachhawn?

• Awmze nei taka Chhûngkuaa Pathian Biakna neih ziahna chuan eng malsâwmnate nge a thlen?

• Chhûngkuaa Pathian biakna chungchângah, eng harsatna nge ka neih a, engtin nge chu chu ka chinfel ang?