Tute Nge Tûn Laia Jehova Duhzâwng Titute Chu? tih brochure hi zirna neih apiangin a ṭannaah emaw, a tâwpnaah emaw Bible zirpuite nêna sawiho atâna siam a ni. * Zirlai 1-na aṭanga 4-na chuan zirpuite chu kan nihna a hriat chiantîr a, zirlai 5-na aṭanga 14-na chuan kan rawngbâwlna hre tûrin a ṭanpui a, zirlai 15-na aṭanga 28-na chuan kan inawpna pâwlin hna a thawh dânte a hriattîr a ni. Tuizâwng a nei bîk a nih loh chuan a indawta sawipui chu a ṭha ber ṭhîn. Zirlai tinte chu phêk khat chauh a ni a, minute nga aṭanga minute sâwm chhûnga sawipui theih a ni tlângpui.

• A zawhna—zirlai thupui—chu hmuhtîr rawh

• Thu zirlai chu vawikhatah emaw, ṭhen hrangin emaw chhiarpui rawh

• In chhiar tawhte chu sawipui la. Phêk hnuaia ennawnna zawhnate leh a lemte chu hmang ṭangkai rawh. A âwm ang zêlin Bible chângte chu chhiarin sawipui rawh. Hawrawp dum tak bîka ziahte chuan a thupuia zawhna a chhân dân târ lang rawh

• “Hriat Belh Nân” tih bâwm a awm chuan, chhiarpui la, chuta awm rawtnate zâwm tûrin fuih rawh