A PAWIMAWH CHHAN: Bible zirpuite chuan an inbuatsaih lâwk hian kan thu zirtîrte chu an hre thiamin, an chhinchhiah thei zâwk a. An hriatthiam a, an chhinchhiah tam poh leh hma an sâwn chak lehzual ang. Baptisma an chan hnuah pawh “ngaihven” reng thei tûrin inkhâwmna leh rawngbâwlna atân an inbuatsaih a ngai dâwn a ni. (Mt. 25:13) Chuvângin, inzir dân hriat leh inzirna ṭha tak neih chu an dam chhûngin an hlâwkpui ang. Kan zirpui ṭan phat aṭangin, Bible zirna atâna inbuatsaih lâwk chu chîn ṭhana nei tûrin kan ṭanpui tûr a ni.

A TIH DAN TUR:

• Entawn tûr ṭha siam rawh. (Rom 2:21) I Bible zirpui chu rilrua dah rengin i zirtîr dâwn apiangin inbuatsaih rawh. (km l1/15 3) I lehkhabu-a a chhânna i rînte chu hmuhtîr rawh

• Inbuatsaih tûrin fuih rawh. Zirna neih a nih vêleh, inbuatsaihna chu Bible zirnaa tel a ni tih hriattîr la, a hlâwknate chu hrilhfiah ang che. Inbuatsaih nâna hun a pêk theih dân rawtna ṭangkai takte pe rawh. Zirtîrtu ṭhenkhat chuan zirlaiin a hlâwkna a hmuh theih nân a chhânna an rînsa an lehkhabu chu zirna neih chhûngin an hmantîr a ni. A inbuatsaih hunah fak rawh

• Inbuatsaih dân entîr rawh. Atîr aṭangin, zirtîrtu ṭhenkhat chuan zirna neih hun pum chu inbuatsaih dân entîr nân an hmang a ni