A PAWIMAWH CHHAN: Inkhâwmte chuan ‘Jehova chawimawina’ leh “fakna hla” sak theihna hun ṭha min pe reng ṭhîn a. (Sâm 149:1) Inkhâwmahte chuan Pathian duhzâwng tih dân kan zir a ni. (Sâm 143:10) Tuina neite leh Bible zirlaite chu inkhâwma an tel hian hma an sâwn chak lehzual ṭhîn.

TIH DAN TUR:

• A remchân veleh sâwm nghâl rawh. Bible zirna neih ngheh thleng nghah a ngai lo.—Thup. 22:17

• Tuina neitu hnênah chuan inkhâwmnaa a thil beisei theihte leh inkhâwm neih leh huna zir tûrte chu hrilh rawh. He mi chungchângah hian hêngte hi a ṭangkai mai thei: Kohhran inkhâwm sâwmna, Kingdom Hall-ah Eng Nge Thleng Ṭhîn? tih video, leh Jehova Duhzâwng brochure-a zirlai 5 leh 7-na

• Ṭanpuina pe rawh. Tuina neitu chu a kalna tûr emaw, thawmhnaw hâk tûr âwm a thlannaah emaw ṭanpui a ngai em? Inkhâwmnaah a kiangah ṭhu la, thu leh hla chhuah i neih chu enpui rawh. Mi dangte hmêlhriattîr rawh