Mi tin hian lungchhiat châng kan nei ṭheuh va. Lungchhiatna chu thlarau lama chak lohna a ni lo. Dik tak chuan, Jehova ngei pawhin rilru nat châng a nei tih min hrilh a. (Gen. 6:5, 6) Mahse, a lutuka lungchhiatna kan nei fo emaw, englai pawhin chutiang chuan kan awm emaw a nih chuan engtin nge ni ang?

Jehova hnênah ṭanpuina dîl rawh. Jehova chuan kan ngaihtuahna leh rilru lam hrisêlna chu a ngaihven hle a. Ani chuan kan hlim hun leh lungchhiat hun chu a hria a ni. Kan hlim chhan leh lungchhiat chhante pawh a hria a. (Sâm 7:9b) Kan hriat tûr pawimawh ber chu, Jehova’n min ngaihsak a, lungchhiatna emaw, rilru hahna nasa tak emaw pawh tuar chhuak thei tûrin min ṭanpui thei a ni.—Sâm 147:3.

I rilru lam hrisêlna chu vênghim rawh. A thim zâwnga thlîrna chuan kan hlimna leh biaknaah nghawng a nei thei a. Chumi avâng chuan, kan thinlung—kan chhûng lam nihna—chu kan vênhim a ngai a ni.—Thuf. 4:23.

KAN UNAUTE’N RILRU HAH CHUNG PAWHA REMNA AN NEIH THEIH DAN TIH VIDEO EN HNUAH, A HNUAIA ZAWHNATE HI CHHANG ANG CHE:

• Nikki-i’n a rilru hahna nasa tak tuar chhuak tûrin eng thil ṭhate nge a tih?

  I chhânna

• Engvângin nge Nikki-i’n damdawi lama ṭanpuina mamawh nia a inhriat?—Mt. 9:12

  I chhânna

• Eng kawngtein nge Nikki-i’n ṭanpui tûra Jehova a rinchhan?

  I chhânna