Nu leh pate’n Pathian finna nei tûra an fate an ṭanpui theih dân kawng ṭha ber pakhat chu Kristian inkhâwmte hlâwkpui tûra ṭanpui hi a ni. Inkhâwmnatea naupangte thil hmuh te, thil hriat te, leh chhânna an pêkte chuan Jehova chanchin zir tûr leh amah nêna inṭhian tûrin a ṭanpui thei a ni. (Deut. 31:12, 13) Nu leh pa i nih chuan, engtin nge i fate chu a ṭha thei ang bera inkhâwmnate hlâwkpui tûra i ṭanpui theih?

• Hmaichhana inkhâwmnaa tel tûrin theih tâwp chhuah rawh.—Sâm 22:22

• Kingdom Hall-ah inkhâwm ṭan hma leh bân hnuah unaute nêna intihchak tawnna hun ṭha neih tum rawh.—Heb. 10:25

• In chhûngkuaa mi tinte’n inkhâwma zir tûr thu leh hla chhuahte chu electronic-in emaw, a bu-in emaw an nei vek tih chian rawh.

• I fate chu mahni ir-âwm chhuaka an chhân theih tûr chhânnate buatsaihpui rawh.—Mt. 21:15, 16

• Inkhâwmte leh chuta kan thu zirte chu a ṭha zâwngin sawi rawh

• I fate chu Kingdom Hall tihfainaah leh kohhrana kum upa unaute biakna ang chi thiltihahte telh ṭhîn rawh

Kan fate Jehova hnaih tûra ṭanpuinaah chuan tih tûr tam tak a awm avângin, thil hahthlâk tak anga a lan châng a awm thei. Mahse, Jehova’n a ṭanpui ang che tih i ring thei a ni.—Is. 40:29.

NU LEH PATE U, JEHOVA LEH A CHAKNA CHU RINCHHAN RAWH U TIH VIDEO EN HNUAH, A HNUAIA ZAWHNATE HI CHHANG ANG CHE:

• Chauh tawngkhawngna chuan Zack-a leh Leah-i te chungah eng nghawng nge a neih?

  I chhânna

• Engvângin nge nu leh pate chuan Jehova hnênah chakna an dîl ang?

  I chhânna

• Eng kawngtein nge Zack-a leh Leah-i te’n hlawhtling tûra Jehova an rinchhan?

  I chhânna