Inneihna
Inneihna bul ṭanna chu eng nge ni?
Gen. 1:27, 28; 2:22-24; Mt. 19:4-6
Kristianin a kawppui (nupui pasal) atân tu nge a thlan ang?
Engvângin nge Kristian dik chuan baptisma chang tawh a fanu emaw, a fapa emaw chu baptisma la chang lo Jehova chhiahhlawh tu emaw nêna inneih a remtih loh vang?
1 Kor. 7:39; 2 Kor. 6:14, 15
-
Bible-a entîrna(te):
-
Gen. 24:1-4, 7—Kum upa tak Abrahama chuan a fapa Isaaka tân pathian dangte betu Kanaan mite zînga mi ni lovin, Jehova rawngbâwltute zînga mi zawn hmuh a tum tlat
-
Gen. 28:1-4—Isaaka chuan a fapa Jakoba chu Kanaan mite zînga mi ni lovin, a rinpuite zînga mi nupuia nei tûrin a chah
-
Engtin nge Jehova’n ring lotu nupui pasal neite chu a thlîr?
Deut. 7:3, 4
-
Bible-a entîrna(te):
-
1 Lal. 11:1-6, 9-11—Lal Solomona’n Pathian vaukhânna ngaihthaha hnam dang mi tam tak nupuia nei a, pathian dangte be tûra an thununa a awm avângin, Solomona chungah Jehova a thinur hle
-
Neh. 13:23-27—Ram Awptu Nehemia chuan Jehova thinurna fel chu ngaihtuah lêtin, ram hrang hranga ring lotu nupuia nei Israel mi luhlul takte chu a zilh a, a siam ṭha
-
Engvângin nge rinawm taka Jehova rawngbâwltu leh hming ṭha chhertu chu kawppui atâna thlan a ṭhat?
Thuf. 18:22; 31:10, 28
Eph. 5:28-31, 33 en bawk rawh
-
Bible-a entîrna(te):
-
1 Sam. 25:2, 3, 14-17—Nabala chu mi hausa tak ni mah se, mi râwng tak leh mi hau hmang tak a nih avângin, Abigaili tân pasal ṭha lo a ni
-
Thuf. 21:9—Kawppui ṭha lo tak thlanna chuan kan hlimna leh rilru muanna a la bo thei
-
Rom 7:2—Tirhkoh Paula chuan hmeichhiain pasal a neih hian, ani chu ṭha famkim lo a pasal thuneihna hnuaiah a awm tawh tih a sawi a; chuvângin, hmeichhe fing chuan kawppui tûr a thlan hunah a fîmkhur hle
-
Inneihna atâna inbuatsaihna
Engvângin nge mipa chuan nupui neih a ngaihtuah hmain chhûngkaw din thei tûra a inbuatsaih ang?
1 Tim. 5:8
-
Bible-a entîrna(te):
-
Thuf. 24:27—Nupui fanau a neih hmain, mipa chu chhûngkaw din thei tûrin theih tâwp a chhuah tûr a ni
-
Engvângin nge inngaizâwngte chuan thurâwn fing tak ngaihven leh a pâwnlâng mai ni lova, inhriat chian an tum ang?
Thuf. 13:10; 1 Pet. 3:3-6
-
Bible-a entîrna(te):
-
Rut. 2:4-7, 10-12—Boaza’n Ruthi hnathawh dânte a chîk a, a chanchin te, a chhûngkua a dâwr dân te, leh a thlarau lam dinhmun chungchânga thu rintlâk takte chhût ngunin, Ruthi chu a hre chiang hle
-
Rut. 2:8, 9, 20—Ruthi’n Boaza lantîr ngilneihna te, thilphalna te leh, Jehova a hmangaihnate chu hmuin Boaza chu a hre chiang hle
-
Engvângin nge Jehova’n innei tûrte chu an inngaihzâwn leh inhual chhûng zawnga nungchang thianghlim vawng tûra a phût?
Gal. 5:19; Kol. 3:5; 1 Thes. 4:4-5
-
Bible-a entîrna(te):
-
Thuf. 5:18, 19—Hmangaihna lantîr dân ṭhenkhat chu nupui pasal nih hnu chauhva lantîr tûr a ni
-
HTK. 1:2; 2:6—An inngaihzâwn laiin, berâm vêngtu tlangvâl chuan Sulam nula chu tisa châkna avânga thianghlim lo taka hmangaihna lantîr chu a duh lo, nungchang thianghlimna vawng tlat chungin, a âwm tâwk chauh a lantîr
-
HTK. 4:12; 8:8-10—Sulam nula chuan nungchang thianghlimna vawng rengin, insûmtheihna a lantîr a; ani chu huan humhalh tlat ang a ni
-
Engvângin nge inngaizâwngte chu dân anga an inneih ang?
Mt. 22:21; Rom 13:1; Tit. 3:1-2
Pasal mawhphurhna
Pasal mawhphurhna rit takte chu eng nge ni?
Eph. 5:23, 25, 28-31, 33
Pasalin lû ber nihna a hman hunah tu entawn tûr siam nge a zui ang?
1 Kor. 11:3; Eph. 5:23
Pasal tân hriatthiamna leh hmangaihna nei taka nupui cheibâwl chu engtiang khawpa pawimawh nge a nih?
Kol. 3:19; 1 Pet. 3:7
-
Bible-a entîrna(te):
-
Gen. 21:8-12—Jehova’n Abrahama hnênah a nupui Sari thurâwn pêk chu duh lo mah se, zâwm tûrin a hrilh
-
Thuf. 31:10, 11, 16, 28—Hêng Bible chângtea târ lan nupui khawsak ṭha neitu pasal fing chuan a nupui chu thunun emaw, sawichhiat emaw a tum lo, chu aiin, ani chu a ring tlat a, a fak zâwk
-
Eph. 5:33—Thlarauva thâwk khum tirhkoh Paula thute chuan nupuiin a pasal hmangaihna dawng nia inhriatna a neih a ngai tih a târ lang
-
Nupui chanvo
Jehova’n Kristian nupui chu eng chanvo pawimawh tak nge a pêk?
Gen. 2:18; Kol. 3:18; Tit. 2:3-5
Nupuite chanvo dawn chu inhnuaichhiahna a ni em?
Gen. 1:26-28, 31; 2:18
-
Bible-a entîrna(te):
-
Thuf. 1:8; 1 Kor. 7:4—Chhûngkaw nunah, nupui leh nu ber chuan Pathian pêk thuneihna eng emaw chen a nei
-
1 Kor. 11:3—Tirhkoh Paula’n Jehova ruahmannaah Pathian Engkimtitheia tiam lohvin, mi zawng zawng hian intukluhna tûr lû an nei ṭheuh tih a sawi
-
Heb. 13:7, 17—Kohhranah mipate leh hmeichhiate chuan hruaitute atâna ruat unaupate thu âwihin, an lakah an intulût tûr a ni
-
Engtin nge ring lotu pasal nei Kristian nupui chuan Jehova a tihlâwm theih?
1 Kor. 7:13-16; 1 Pet. 3:1, 2
Engvângin nge nupui chuan a pasal chungah zahna a lantîr reng ang?
Eph. 5:33
-
Bible-a entîrna(te):
-
Gen. 18:12; 1 Pet. 3:5, 6—Sari chuan a pasal chu thinlung takin a zah a, a rilruah pawh a “lalpa” angin, a nih loh leh thlarau lama lû angin a thlîr
-
Eng ang nupui nge Bible-in a fak?
Thuf. 19:14; 31:10, 13-31
-
Bible-a entîrna(te):
-
Gen. 24:62-67—Rebeki’n a pasal Isaaka chu a nu a sûn khân thlamuanna hmu tûrin a ṭanpui
-
1 Sam. 25:14-24, 32-38—Abigaili’n a pasal â tak chu a humhim bâkah, Davida hnêna inngaitlâwm taka ngênin a chhûngkua pawh a chhanhim
-
Est. 4:6-17; 5:1-8; 7:1-6; 8:3-6—Lalnu Estheri chuan a pasal lalber kohna dawng lo mah se, Pathian mite humhim tûra ngên tûrin vawi hnih lai a nun a thâp
-
Buainate chinfel dân
Eng thu bulte’n nge nupa chu chhûngkaw buainate chingfel tûra ṭanpui thei?
1 Kor. 13:4-8; Eph. 5:33; Kol. 3:12-14
Eng thu bulte’n nge nupa chu sum leh pai lama thlîr dân inbûk tâwk nei tûra ṭanpui thei?
Lk. 12:15; Phil. 4:5; 1 Tim. 6:9, 10; Heb. 13:5
“Sum leh Pai” en bawk rawh
Eng thu bulte’n nge nupa chu chhûngkhat hnaivaite leh kawppui nu leh pate nêna inrem taka awm tûra ṭanpui thei?
Sâm 34:14; Mt. 19:5, 6; 1 Kor. 13:4, 5
Eng thu bulte’n nge nupa chu nupa nun hman chungchângah kaihruai thei?
Thuf. 5:15-20; Mt. 5:27, 28; 1 Kor. 7:3-5; 10:24; Phil. 2:4; Heb. 13:4
Engvângin nge kawppuite tlin lohnate ni lo va, an ṭhatna laite ngaihven chu thil pawimawh tak a nih?
Sâm 103:14; 130:3, 4; Thuf. 17:9; 1 Pet. 4:8
Engvângin nge buainate chu thinrim taka awm reng nâna hmang lo va, hmangaihna nei taka chinfel nghâl vat chu a ṭhat zâwk?
Sâm 37:8; Thuf. 14:29; Eph. 4:26, 27; Jak. 1:19, 20
Engvângin nge thinurna te, tauhna te, ânna te, leh kutthlâknate ang chi rêng rêng chu Kristiante tâna pawm theih a nih ngai loh?
Sâm 11:5; Gal. 5:19-21; Eph. 4:31, 32; Tit. 3:2
Buainate a lo chhuah hunah, nupate thiltum tûr chu eng nge ni ang?
Sâm 34:14; Mt. 5:9; Rom 12:17, 18, 21
Jehova dah pawimawh bertu nupate chuan eng malsâwmnate nge an dawn ang?
Thur. 4:9-12
Inneihna atâna tehnate
Mipat hmeichhiatna leh inneihna chungchânga Jehova tehnate chu eng ni?
Thuf. 6:32; Mt. 5:27, 28; 1 Kor. 6:9, 10; Heb. 13:4
Engtin nge Kristiante’n vawi khata nupui pasal pakhat aia tam neih chu an thlîr?
Mt. 19:8, 9; 1 Kor. 7:2; 1 Tim. 3:2, 12
Engtin nge inneite chu mipa leh hmeichhia an ni tûr a ni tih kan hriat theih?
Gen. 2:18, 22, 24; Mt. 19:4-6; Rom 1:23-27
Engvângin nge nupa chu inpumkhata awm reng tûr an nih?
Mk. 10:6-9; Rom 7:2, 3; 1 Kor. 7:10, 11
Kristiante tân Bible ṭanchhana inṭhen theihna awmchhun chu eng nge ni?
Engtin nge Jehova’n chhan ṭha awm lova inṭhen chu a thlîr?
Mal. 2:13-16
Kawppui a thih hunah, a la dam zâwk chuan kawppui dang a nei leh thei em?
Rom 7:2, 3; 1 Kor. 7:39