Bible-a entîrna(te):

• Thur. 12:1-8—Lal Solomona chuan hla thute hmangin kum upatna avânga lo awm khaw hmuh fiah theih tawh lohna (“tukverha dâk nute chu an thim”) leh beng hriatna ṭha tawh lo (“zai nu zawng zawngte an lo zuai”) ang chi harsatna ṭhenkhat a târ lang

Bible-a entîrna(te):

• 1 Sam. 12:2, 23—Kum upa tak zâwlnei Samuela chuan Jehova mite tâna ṭawngṭaisak zawm zêl a pawimawhzia a hria

• 2 Sam. 19:31-39—Lal Davida chuan kum upa tak Barzilaia rinawm taka ṭanpuina chu a ngaihlu hle a, Barzilaia chuan lal hnênah Jerusalema lal rawngbâwl tûra a tlin tawh loh thu inngaitlâwm takin a sawi

• Sâm 71:9, 18—A kum upat huna mi ṭangkai lo tak nih a hlauh avângin, Lal Davida chuan Jehova hnênah amah paih thla lo tûr leh, ṭhangtharte hnênah A chanchin a zirtîr theih nâna chakna pe tûrin a ngên

• Lk. 2:36-38—Kum upa tak hmeithai leh zâwlnei ni bawk Anni chu Pathian hnêna a inpêk tlat avâng leh rinawm taka a rawngbâwlna avângin malsâwm a ni

 Bible-a entîrna(te):

• Gen. 12:1-4—Abrahama chuan kum 75 a nihin, Jehova hnên aṭangin a nun thlâk danglamtu mawhphurhna a dawng

• Dan. 10:11, 19; 12:13—Vântirhkoh pakhat chuan kum 100 dâwn lai ni tawh zâwlnei Daniela chu va tlawhin, Jehova tâna a hlutzia leh a rinawmna avânga lâwmman a dawn tûr thu a hrilh

• Lk. 1:5-13—Jehova’n kum upa tak Zakaria leh Elizabeti chu thilmak tihna hmanga fapa Johana pein mal a sâwm

• Lk. 2:25-35—Jehova chuan kum upa tak Sumeona chu Messia la ni tûr nausên hmuh theihna chanvo hlu a pe a; Sumeona chuan chu nausên chungchângah hrilh lâwkna thu a sawi

• Tirh. 7:23, 30-36—Zâwlnei Mosia chu Jehova’n a mi Israelte chunga hruaitu atâna a ruat khân, kum 80-a upa a ni tawh

Bible-a entîrna(te):

• Gen. 45:9-11; 47:12—Josefa chuan a pa kum upa tak Jakoba chu a hnêna kal tûrin a ti a, a thih thlengin a ngaihsak

• Rut. 1:14-17; 2:2, 17, 18, 23—Ruthi chuan kum upa tak Naomi chu ṭawngkam leh thiltihin a ṭanpui

• Joh. 19:26, 27—Nghaisakna bana a thih dâwn ṭêp khân, Isua’n a hmangaih a tirhkoh Johana hnênah kum upa tawh a nu chu, lo ngaihsak tûrin a ngên