TUNAH enge thleng ta han en teh. Adama leh Evi chu Eden huan mawi tak ata hnawhchhuah an ni ta. A chhan i hria em?

Thil engemaw tha lo em em an tih vang a ni. Chuvangin Jehovan anmahni a hrem a ni. Adama leh Evi thil tha lo tih chu i hria em?

Pathianin ti lo tura a hrilh thil engemaw an ti a ni. Huana thingtea mi chaw an ei thei tih Pathianin a hrilh a. Mahse thing pakhata mi ei lo turin Pathianin a hrilh a, chutilochuan an thi ang. Chu thing chu ama tan a dah a ni. Mi dang ta thil lak chu a dik lo tih kan hria a, a ni lawm ni? Aw le, enge lo ni ta?

Ni khat chu huanah amah chauhva Evi a awm laiin a hnenah rul a rawn tawng a. Han ngaihtuah teh! Pathianin ei lo tura a hrilh thinga mi thei rah ei turin Evi a hrilh a. Jehovan rul a siam lai chuan tawng thei turin a siam lo va. Chuvangin tuin emaw rul chu a tawngtir a ni ngei ang. Chu chu tunge ni?

Adama a ni lo va. Chuvangin Jehovan leilung a siam hma daiha a siam tawh mite zinga pakhat a ni ang. Chung mite chu vantirhkohte an ni a, anmahni kan hmu thei lo va. Chu vantirhkoh pakhat chu a lo chapo em em a. Pathian anga awptu nih a ngaihtuah tan ta a. Miten Jehova thu an awih aiin ama thu an awih a duh a. Ru! tawngtirtu vantirhkoh chu a ni.

Chu vantirhkoh chuan Evi a tihder thei ta. Thei rah chu a ei chuan Pathian ang a lo ni ang tih a hrilh chuan a awih ta a. Tichuan a ei ta a, Adama pawhin a ei ve ta a. Adama leh Evi chuan Pathian thu an awih ta lo va, chuvang chuan huan in mawi tak chu an hloh ta a ni.

Mahse eng niah emaw leilung pum pui hi Pathianin Eden huan anga mawi a nihtir leh dawn a. Chutianga siamnaah chuan i tel theih dan kan la hria ang. Tunah Adama leh Evi chungah enge thleng i en ang u.