HETA mite hian mipui hi hna an thawh luihtir a. Hna thawktu zinga pakhat vuakna hruia vawtu hi en teh! Hnathawktute chu Jakoba chhungkuaa mi an ni a, Israel-mite vuah an ni. Hna thawh luihtirtute chu Aigupta-mite an ni. Israel-mite chu Aigupta-mite bawih an ni ta. Chu chu engtinnge a lo nih?

Kum tam tak chhung chuan Jakoba chhungkaw tam tak chu Aigupta-ah inremin an awm a. Pharaoa dawta Aigupta-a mi pawimawh ber Josefa chuan anmahni a enkawl a. Mahse Josefa chu a thi ta a. Israel-mite duh lotu Pharaoa thar chu Aiguta lalber a ni ta a.

Tichuan chu Pharaoa tha lo chuan Israel-mite chu bawihah a siam a. Mi tawrawt leh sualte chu anmahni enkawltuah a dah a. Pharaoa tan khawpui siamin Israel-mite chu an thawhrim Juihtir nasa em em a. Mahse Israel-mite chu an pung zel tho va. Rei loteah Israel-mite chu an tam Jutukin an chak lutuk ang tih Aigupta-mite chuan an hlau ta a.

Pharaoan enge a tih i hria em? Israel nuten nau an hrin a anmahni tanpuitu hmeichhiate hnenah thu a sawi a: ‘Nausen mipa piang tawh phawt chu in tihlum tur a ni,’ a ti a.

Chutichuan Pharaoa chuan he thupek hi a mipui zawng zawng hnenah a pe a: ‘Israel-mite nausen mipate chu la ula, tihlum rawh u. Nausen hmeichhiate chauh zuah rawh u,’ tiin. Chu chu thupek atan a rapthlak a ni lawm ni? Nausen mipate zinga pakhat chhandam a nih dan i en ang u.