KANAAN-a khawpui tam tak chu Israel do turin an inpeih tawh a. An hneh theih an ring a. Mahse an kiang hnai Gibeon khawpuia mite chuan an ring lo va. Pathlanin Israel-mite a tanpui tih an hria a, Pathlan do an duh lo va. Chutichuan Gibeon miten enge an tih i hria em?

Hla taka cheng anga intihlan an relthlu a. Tichuan mi thenkhat chuan puan chhla leh pheikhawk rai Jam tawh an inbel a. An sabengtubgte chu ip chhla an phurhtir a, chhang hlui ro an keng a. Tichuan Josua hnenah an kal a: ‘In Pathlan ropui Jehova chanchin kan hriat vangin ram hla deuh atangin kan lo kal a ni. Aigupta-a a thil tih sak che u zawng zawng kan hria a. Chuvangin kan hruaitute chuan zin kawnga ei tur inpeih sa a, in hnena lo kal a: ‘I chhlahhlawhte kan ni a. Min do lovang tih tiam rawh,’ tia rawn sawi turin min hrilh a. Zin kawng hlat vanga kan silhfen tet leh kan chhang a hluiin a ro tawh hi i hmu thei e,’ an ti a.

Josua leh hruaitu dangte chuan Gibeon-mite thu sawi chu an awih a. Chuvang chuan anmahni do lo turin thu an tiam ta a. Mahse ni thum hnuah chuan Gibeon-mite chu hnaitea cheng an ni tih an hre ta a.

‘Engvanginnge ram hla tak atanga lo kal in ni tia min hrilh?’ tiin Josuan a zawt a.

Gibeon-mite chuan: ‘ln Pathlan Jehovan he Kanaan ram zawng zawng hi in hnena pek turin a tiam tawh tih hrilh kan nih vangin hetiang hlan kan ti a ni. Chuvangin min tihlum ang tih kan hlau a ni,’ tiin an chhang a. Mahse Israel-mite chuan an thutiam an hlen a, Gibeon-mite chu an tihlum lo va. An chhlahhlawhah an siam ta zawk a.

Gibeon-miten Israel nen remna an siam vangin Jerusalem lal a thinur em em a. Lai dang pali hnenah: ‘Lo kal ula, Gibeon mi dopui rawh u,’ a ti a. Chung lai pangate chuan chu chu an ti ngei a. Chung lalten anmahni an do phah khawpa Gibeon-miten Israel nena remna an siam chu an fing em? Kan hria ang chu.