AW, AW, mipuiin enge an tih tak? Bawng no hnenah an tawngtai a ni! Engvanginnge chu chu an tih?

Tianga Mosia rei tak a thang chhungin mipuite chuan: ‘Mosia chungah enge thleng tih kan hre si lo va. Chuvangin he ram ata min hruai chhuak tur pathlan i siam ang u,’ an ti a.

Mosia unaupa Arona chuan: Aw le, in rangkachak bengbehte ka hnenah rawn keng rawh u,’ a ti a. Mipuiin an rawn ken chuan Arona chuan a rawh tui a, rangkachak bawng no a siam ta a. Tin mipuite chuan: ‘Hei hi Aigupta ata min hruai chhuaktu kan pathlan a ni,’ an ti a. Tichuan Israel-mite chuan ruai ropui tak an theh a, rangkachak bawng no chu an bia a.

Jehovan chu chu a hmuhin a thinur em em a. Chuvangin Mosia hnenah: ‘Hmanhmawh la chhuk rawh. Mipuite chu tha lo deuhvin an che a. Ka dante an theihnghilh tawh a, rangkachak bawng no hnenah an kun a ni,’ a ti a.

Mosia chu hmanhmawhin tlang atangin a chhuk a. A thlen hnaih chuan, a hmuh chu hei hi a ni. Mipuite chu rangkachak bawng no velah hla sain an Jam a! Mosia chu a thinrim khawp a, dante chuanna Jung phek pahnih chu a paih a, a keh sawm darh ta vek a. Rangkachak bawng no chu a la a, a rawh tui a. Tin a rawt dip ta vek a.

Mipuite chuan thil tha lo em em an ti a ni. Chuvangin Mosian mipa thenkhat chu an khandaih phawi turin a hrilh a. ‘Rangkachak bawng no betu mi tha loho chu an thi tur a ni,’ Mosian ati a. Tichuan mipate chuan mi 3,000 an sat hlum a! Hei hlan pathlan dang tumah be lovin, Jehova chauh be turin kan fimkhur a ngai tih a tilang lawm ni?