HEI hi naupang hmeltha a ni lawm ni? A hming chu Samuela a ni. Tin Samuela lua kut nghattu hi Israel puithlam lai Elia a ni. Heil hi Elia hnena Samuela rawn hruaitu Samuela pa Elkana leh a nu Hanni te an ni.

Samuela chu kum li emaw kum nga emaw vel chauh a ni a. Mahse heta Jehova biakbukah hlan Elia leh puithlam dangte hnenah a awm dawn a ni. Engvanginnge Elkana leh Hanni chuan Samuela ang chuti leka naupang chu biakbuka Jehova rawng bawl tura an pek ang? I en ang u.

He mi hma kum tlem teah Hanni chu a lungngai em em a. A chhan chu fa a nei thei lo va, a duh em em si vang a ni. Chutichuan ni khat chu Hannin Jehova biakbuk a tlawhin a tawngtai a: ‘Aw Jehova, mi theihnghilh suh! Fapa mi pek chuan, a dam chhung zawng i rawng a bawl theih nan ka pe ang che tih ka tiam e,’ tiin.

Jehovan Hanni tawngtai a chhang a, thla engemaw zah hnuah Samuela a hring a. Hanni chuan a fa a hmangaih em em a, a naupan tet atangin Jehova chanchin a zirtir a. ‘Samuela hi hnute hnek bang khawpa a upat veleh biakbuka Jehova rawngbawl turin ka kalpui ang e,’ tiin a pasal a hrilh a.

Chu chu he milema Hanni leh Elkanan an tih mek kan hmuh hi a ni. Samuela chu a nu leh pain an zirtir that em vangin, heta Jehova puan ina Jehova rawng a bawl thei hi a lawm a. Kum tin he puan in bika Pathlan be tur leh an fa tlawh turin Hanni leh Elkana an lo kal ziah a. Tin kum tinin Samuela tana a siam kawr ban bul Hannin a kensak thin a.

Kum a ral zel a, Samuela chuan Jehova biakbukah rawng a bawl zel a, Jehova leh mipuiin amah an duh a. Mahse puithlam lal Elia fapa Hophnia leh Phinehasa chu an tha lo. Thil tha lo tam tak an ti a, mi dangte pawh Jehova thu awih lo turin an ti a. Puithiam an nihna atangin Elian a bantir tur m siin, a bantir lo va.

Biakbuka thil tha lo engmah chuan naupang Samuelan Jehova rawng a bawl chu a titawp chuang lo va. Mahse Jehova hmangaih tak taktu an tlem em vangin, Jehovan mihring hnena thu a sawina a rei tawh a. Tlema Samuela a lo upat deuh hlek hun chuan hei hi a lo thleng ta a.

Biakbuka Samuela a muthilh laiin awin a tiharh a. ‘Heta hi ka awm,’ tiin a chhang a. Tin a tho va, Elia hnenah a tlan a, ‘Mi ko maw, heta hi ka awm e,’ a va ti a.

Mahse Elian: ‘Ka ko lo che; va mu leh rawh,’ tiin a chhang a. Tichuan Samuela chu a mu leh a.

Tin a ko nawn leh a: ‘Samuel,’ tiin. Tichuan Samuela a tho va, Elia hnenah a tlan leh a. ‘Min ko maw, heta hi ka awm,’ a va ti leh a. Mahse Elian: ‘Ka ko lo che, ka fapa. Mu leh rawh,’ tiin a chhang a. Samuela chu a mu leh a.

‘Samuel!’ tiin awin vawi thumna a ko va. Tichuan Samuela chu Elia hnenah a tlan leh a. ‘Heta hi ka awm, tun tum chu min ko ngei si a,’ a ti a. Kotu chu Jehova a ni ang tih Elian a hria a. Chuvangin: ‘Va mu leh rawh, tin a koh leh che chuan: “Sawi rawh, Jehova, i chhlahhlawhin a ngaithla reng e,“ i ti tur a ni,’ tiin Samuela a hrilh a.

Jehovan a koh leh veleh Samuelan chutiang chuan a ti a. Jehovan Elia leh a fapate a hrem dawn tih Samuela a hrilh ta a. A hnuah Philistia-mite indonaah Hophnia leh Phinehasa an thi a, tin chu chu Elian a hriatin a tlu a, a nghawng a tliak a, a thi ve ta a. Tichuan Jehova thu chu a thleng dik a ni.

Samuela a thang lian a, Israel roreltu hnuhnung ber a ni a. A tar hunin mipuiin: ‘Kan chunga awptu ni turin lalber thlang rawh,’ tiin an ngen a. Jehova chu an lalber taktak a nih si avangin Samuelan chu chu a ti duh lo va. Mahse Jehovan mipui thu ngaithla turin a hrilh a.