AIGUPTA an chhuahsan hnu thla hnih velah, Israel-mite chu Horeb an tih bawk Sina Tlang an thleng a. Hei hi Jehovan hnimbuk alh atanga Mosia hnena thu a sawina hmun kha a ni. Chutah chuan mipuite chu an riak a, rei lo deuh an cham a.

A hnuaia mipuiin an nghah laiin, tlangah Mosia a lawn a. Tlang chhipah chuan Israel-mite chu A thu awih tur leh a mipui bik ni turin a duh tih Jehovan Mosia a hrilh a. Mosia a lo chhukin Jehova sawi chu Israel-mite a hrilh a. Mipuite chuan A mipui nih an duh vangin Jehova thu an awih ang tih an sawi a.

Jehovan thilmak a ti ta a. Tlang chhip a khuktir a, khawpui ring deuh a riktir a. Mipui hnenah thu a sawi bawk a: ‘Aigupta ata hruai chhuaktu che u in Pathlan Jehova ka ni,’ tiin. Tin thu a pe a. ‘Keimah chauh lo chu pathlan dang reng reng in be tur a ni lo,’ tiin.

Pathlanin Israel-mite chu thupek emaw dan dang pakua a pe bawk a. Mipuite chuan an hlau em em a. ‘Kan hnena Pathlanin a sawi chuan kan thi ang tih kan hlauh avangin nangin kan hnenah sawi rawh,’ tiin Mosia an hrilh a.

A hnuah Jehovan Mosia a hrilh a: ‘Tlangah ka hnenah lo chho rawh, Mipuiin an zawm atan ka duh dante ka ziahna Jung phek pahnih ka pe ang che,’ tiin. Tichuan Mosia chu Tlangah a chho leh a. Chutah chuan ni 40 leh zan 40 a cham a.

Pathlanin a mite tan dan tam deuh a nei a. Chung dante chu Mosian a ziak a. Pathlanin lung phek pahnih Mosia a pe bawk a. Chumiah chuan amah Pathlan chuan mipuiho zawng zawng hnena a sawi dan 10-te chu a ziak a. Thu sawm pek tih an ni.

Thu sawm pek chu dan pawimawh a ni. Mahse Pathlanin Israel-mite a pek dan dangte pawh chu chutiang bawk chu an ni. Chung dante zinga pakhat chu: ‘I thinlung pumhlum, i rilru pumhlum, i thlarau pumhlum leh i chakna zawng zawngin i Pathlan Jehova chu i hmangaih tur a ni,’ tih hi a ni. Tin a dang chu: ‘Nangmah angin i thenawm i hmangaih tur a ni,’ tih hi a ni a. Pathlan Fapa Isua Krista chuan chungte chu Jehovan a mi Israelte hnena a pek dan ropui ber pahnihte an ni a ti. A hnuah Pathlan fapa leh a thu zirtir chanchin tam tak kan la hria ang.