HENG mite hi tute nge an nih a, enge an tih i hria em? lndonaah an kal mek a, hma lama mite hian hla an sa a ni.’ Engvanginnge hla satute hian indo nan khandaih leh fei an ken loh?’ tiin i zawt a ni thei a. I en ang u.

Jehosaphata chu Israel hnam hnih rama lalber a ni a. Hmar lam hnam 10 rama lalber Ahaba leh Jezebeli te ruala dam a ni. Mahse Jehosaphata chu lal tha a ni a, a pa Asa pawh lal tha a ni bawk. Chuvangin chhim lam hnam hnih rama mite chuan kum tam tak chhung nun tha nuam an chen a.

Mahse tunah mipui tihlau tur thil engemaw a awm. Zualkovin Jehosaphata hnenah: ‘Nangmah do turin Moab, Ammon leh Seir Tlang ram atangtein sipai rual tam deuh an lo kal,’ tih an rawn sawi a. Jehova tanpuina dil turin Jerusalem-ah Israel-mite tam tak an kal khawm a. Biak inah an kal a, chutah chuan Jehoeaphata a tawngtai a: ‘Aw Jehova kan Pathian, enge tih tur kan hre lo. He sipai rual tam tak Iakah hian tanpuitu kan nei lo. Tanpui turin nangmah kan thlir che a ni e,’ tiin.

Jehovan a ngaithla a, a chhiahhiawhte zianga pakhat mipuite a hrlihtir a: ‘lndona chu in ta a ni lo, Pathian ta a ni. ln do a ngai lo vang. En ringawt mai ula, Jehovan a chhandam dan tur che u hmu rawh u,’ tiin.

Chutichuan Jehosaphatan mipui a hrilh a: ‘Jehova ring rawh u!’ tiin. A sipaite hmaah hla satute a dah a, tin an kal pahin Jehova fakna hla an sa a. Indona hnaih an thlenin enge lo ni i hria em? Jehovan hmelma sipaite chu anmahni leh anmahni a indotir a. Israel-mite an lo thlen chuan, hmelma sipai zawng zawngte chu an lo thi tawh a!

Jehosaphatan Jehova a ring chu a a fing lawm ni? Amah kan rin chuan kan fing ve ang.