HENG mite zinga pakhatin a kawh arsi eng tak saw i hmu thei em? Jerusalem an chhuahsan veleh,arsi chu a lo lang a. Heng mite hi Khawchhaka mi an ni a, arsite an zir a. He arsi thar hian mi pawimawh tuemaw hnenah a hruai niin an ring a.’ tiin a zawt a. ‘Bible chuan Bethlehem-ah a ti,’ tiin an chhang a.

Chu mite chusn Jerusalem an thlenin, ‘Judate lal ni tur naupang chu khawiahnge?’ tiin an zawt a. “Judate” tih chu Israel-mite hming dang a ni. ‘Khawchhaka kan awm laiin naupang arsi chu kan hmu hmasa ber a, amah chibai buk turin kan lo kal a ni,’ chu mite chuan an ti a.

Jerusalem-a lal Herodan chumi chungchang chu a hriatin a mangan a. A hmun luah turin lal dang a duh lo va. Chuvangin puithiam lalte a ko va, ‘Lal tura tiama chu khawiahnge a pian ang?’ tiin a zawt a. ‘Bible chuan Bethlehem-an a ti,’ tiin a an chang a.

Tichuan Herodan Khawchhak mite chu a ko va: ‘Kal ula naupang chu va zawng rawh u. ln hmuh hunah mi hriattir ang che u. Kei pawh chibai ka buk ve duh e,’ a ti a. Mahse taktakah chuan, Heroda chuan naute chu tihhlum turin hmuh a duh a ni.

Tichuan arsi chu mite hmaah Bethlehem-ah a insawn a, naupang awmna hmun chungah a ding a. Chung mite chu inchhunga an luhin, Mari leh naupang Isua chu an hmu a. Thilpekte an phawrh a, Isua hnenah an pe a. Mahse a hnuah Heroda hnena kir lo turin Jehovan chu mite chu an mumangah a hrilh a. Tichuan kawng dangah an ramah an kir leh ta a.

Khawchhak mite chu an haw tawh tih Herodan a hriatin a thinur em em a. Bethlehema mipa naupang kum hnih leh a hnuai lam zawng zawng tihhlum thu a pe a. Mahse Jehovan a hun hmain mumangah Josefa a hrilh a, Josefa chu a chhungte nen Aigupta-a kal turin a chhuak ta a. A hunah, Heroda a thi tawh tih Josefan a hriatin, Nazaret-ah Mari leh Isua a hawpui a. Chu chu Isua seilenna hmun a ni.

Chu arsi thar chu eng turin tunge siama i rin? Arsi an hmuh hnuah mite chu Jerusalemah an kal hmasa tih hrereng la. Ramhuai Setanan Pathian Fapa chu tihhlum a duh a, tichuan Jerusalema lal Heroda chuan tihhlum a tum dawn tih a hria a. Chuvangin, chu arsi eng tura siamtu chu Setana a ni tur a ni.