KUTDAWH mitdel pahnih a tihdam hnu lawkah, Isua chu Jerusalem kianga khaw te tak teah a lo kal a. ‘Khuaah kal ula, tichuan sabengtung note in hmu ang a. Phelh ula ka hnenah rawn hruai ang che u,’ tiin a zirtir pahnih a hrilh a.

A hnenah sabengtung an rawn hruai chuan a chungah lsua a chuang a. Tin hla lo te Jerusalem-ah a kal a, Khawpui hnai a thlenin, amah hmuak turin mipui tam tak an lo chhuak a. An zinga tam ber chuan an kawrte an phelh a, kawngah an phah a. Mi dangte chuan tum kau an sat thla a. Chung pawh chu kawngah an phah ve a, tin: ‘Jehova hminga lo kal lalber chu Pathianin malsawm rawh se,’ tiin an au va.

Hmanlaiin Israel-ah lalber tharte chu mipui hnena inhmuhtir turin sabengtung no chunga chuangin Jerusalem-ah an kal thin a. Chutiang chuan lsuan a ti a ni. Tin heng mipui hian Isua chu an lalber ni turin an duh tih an tilang a ni. Mahse mipui zawng zawngin an duh vek lo. Biak ina a kal laia thil lo riih dan atangin chu chu kan hre thei.

Biak inah Isuan mitdel leh zengte a tidam a. Naupang teten chu chu an hmuhin, Isua fakin an au va. Mahse chu chuan puithiamte a tithinur a, ‘Naupangte sawi chu i hria em?’ tiin Isua a hrilh a. Isuan: ‘Aw, ka hria. Bible-ah, “Naupang te tak tete ka atangin Pathianin fakna a chhuahtir ang,“ tih i chhiar ngai lovem ni?“ tiin a chhanga. Tichuan naupangte chuan Pathian lalber chu an fak ta zel a.

Chung naupangte ang nih chu kan duh dawn lawm ni? Pathian ram chanchin sawi min tihtawp an tum a ni thei a. Mahse Isuan mipui tana mak tih tham thil a tih tur chanchin mi dang kan hrilh zel ang.

Leia a awm lai khan lsuan lalber nia a awp hun a la ni lo va. Chu hun chu engtikah nge a thlen ang? Isua zirtirten hriat an duh a. Chumi chungchang chu kan chhiar leh ang chu.