NI KHAT chu Isuan mi pakhat hnenah a vengte a hmangaih tur a ni tih a hrilh a. Chu mi chuan: ‘Tunge ka vengte?’ tiin Isua a zawt a. Chu mi chuan enge a ngaihtuah tih Isuan a hria a. Chu mi chuan a chipui leh sakhuaa mi chauh chu a vengte niah a ngai a. Chuvangin Isuan a hnenah enge a sawi i en ang u.

Achangin lsuan thawnthu sawiin a zirtir a. Chutiang chuan tunah pawh a ti a ni. Juda-mi leh Samari-mi chungchang a hrilh a. Juda-mi tam berin Samari-mite an duh lo tih kan hre tawh a. Hei hi Isua thawnthu sawi chu a ni:

Ni khat chu Juda-mi pakhat tlang kawnga Jeriko pana kal chhuk a awm a. Mahse suamhmangin an suam a. A tangka an lak sak a, thi lek lekin an sawisa a.

A hnuah, kawngah chuan Juda-mi puithiam a lo kal a. An vuaka chu a hmu a. Enge tia i rin? E, kawng lehlamah a hel a, a kal zel mai. Tin sakhaw mi em em mi dang a lo kal a. Levia chi a ni a. A chawl em? Chawl lo, an vuak mi chu tanpui turin a chawl bawk lo. Hia taka Levia-chi leh puithiam kal chhuak saw i hmu thei e.

Mahse heta an vuak mi hnena mi hi en teh. Samari-mi a ni. Juda-mi chu a tanpui a. A hliamahte damdawi a hnawih a. A hnuah a chawlha a dam theihna tur hmunah Juda-mi chu a hruai ta a.

A thawnthu sawi zawh hnuah, amah zawhna zawttu hnenah chuan Isuan: ‘Chung pathumte zingah chuan atu ber chu nge an vuak mi chungah vengte anga che nia i rin? Puithiam, Levia chi emaw Samari-mi chu em ni?’ a ti a.

Chu mi chuan: ‘Samari-mi chu. An vuak mi chungah chuan ngil a nei a ni,’ tiin a chhanga.

Isuan: ‘I sawi dik e. Chuvangin kal la, a tih ang bawk chuan mi dang chungah va ti ve rawh,’ a ti a.

Isua zirtir dan chu i duh lawm ni? Isuan a sawi Bible-a mite hi kan ngaihthlak chuan thil pawimawh tam em em kan hre thei, kan thei lawm ni?