RAM dung leh vanga Isua a zin vel laiin damlo a tidam a. Chung thiltihmakte chanchin chu a vel khaw lianah leh khaw te zawng zawngah sawi a ni a. Chuvangin a hnenah miten zeng leh mitdel leh bengngawng, leh dam lo dang tam tak an rawn hruai a. Isuan a lo tidam vek a.

Johanan Isua a baptis achin kum thum chuang a rai tawh a. Isuan tirhkohte hnenah, Jerusalem-ah a chho thuai dawn a, chutah chuan tihhlum a ni ang a, tin mitthi atangin a tho leh ang tih a hrilh a. Chumi chhung chuan, Isuan damlo a tidam zel a.

Ni khat chu Isuan Sabbath-ah a zirtir a. Sabbath chu Juda-mite tan chawlhna ni a ni. Heta hmeichhia i hmuh hi nasa takin a dam lo va. Kum 18 chhung a kun a, a ding ngil thei lo va. Chutichuan Isuan a chungah kut a nghat a, a ding char ta a. Tihdamin a awm ta a!

Chu chuan sakhaw hruaitute a tithinur em em a. ‘Hna kan thawhna tur ni ruk a awm a. Chungte chu tihdam nana lo kalna tur nite chu a ni, Sabbath-ah ni lovin,’ tiin an zinga pakhat mipui hnenah a au va.

Mahse Isuan a chhang a: ‘Nangni mi tha lote u, in zingah tupawhin Sabbath-ah mahni sabengtung phelhin tui in turin in hruai chhuak thin. Chuvangin he hmeichhe rethei, kum 18 dam lo tawh hi, Sabbath-a tihdam loh tur em ni?’ tiin. Isua chhanna chuan chung mi tha lote chu a tizak a.

A hnuah Isua leh a tirhkohte chu Jerusalem lamah an zin a. Jeriko khawpui dai bu! lawka an awm laiin, kutdawh mitdel pahnihin Isua a kal tih an hria a. Chuvangin: ‘Isu, min tanpui rawh,’ tiin an au va.

Isuan mitdelte chu a ko va: ‘ln tan enge tih sak che u ila in duh?’ tiin a zawt a. ‘Lalpa, kan mitte tihvar ni rawh se,’ an ti a. lsuan an mitte a tawk a, an hmu thei ta nghal a. Engvanginnge Isuan chung thil mak tha zawng zawngte chu a tih i hria em? Mipui a hmangaih a, amaha rinna nei turin anmahni a duh vang a ni. Chuvangin Lalber nia a awp hunah chuan leilunga tumah an dam lo leh tawh lovang tih kan hre chiang thei.