HEI HI thawnthu dik lehkhabu a ni. Khawvela lehkhabu ropui ber, Bible atanga lak an ni. Thawnthuahte hianPathianin a siam tantirh lai atanga keini hun thleng zaka khawvel thawnthu i nei a. Pathianin nakina tih a tiam chanchin pawh an sawi.

He lehkhabu hian Bible hi eng chanchin nge tih ngaihdan a neihtir che a. Bible-a mite leh an thiltih chanchinte a sawi. Pathianin a mite hnena a pek paradis leilunga chatuan nunna beisei tur ropui pawh a tilang.

Lehkhabuah hian thawnthu 116 a awm a. Chungte chu bung riatah hlawm khawm an ni. Bung tin tanna phek chuan chu bungah chuan enge chuang tih tawi kim takin a sawi zel a. Thawnthute chu thil thlengte thlen indawt anga ziak an ni. Chu chuan thawnthua thil thlengte chu, thil thleng dangte nen inkungkaihin, a thlen lai a hriattir che a.

Thawnthute chu tawngkam mawl taka sawi an ni a. Nangni naupang tam tak chuan nangmahniin in chhiar thei ang. Nangni nu leh pate chuan heng thawnthute chhiar nawn sak fo hi in fate tezawkten ngaihnawm an tihzia in hmu ang. He lehkhabuah hian naupang leh upate tana ngaihnawm tak tak a chuang tih in hmu bawk ang.

Thawnthu tawp zelah Bible changte ziak an ni a. Thawnthu nghahchhan Bible changte chu chhiar tura fuih in ni e. He thawnthubu i chhiar zawh hunah, thawnthu 116-a zawhnate chu ennawnin a chhânnate chu hriat tum ang che.